Efezo 2:10 - O Mikanda Ikola

¹⁰ Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 2:10 ပူးပေါင်းရင်းမြစ်များ

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 119:3

Euá, a fula muene kubhanga ima ia kubhengalala, maji a kuata kuenda jinga mu jinjila jê.

Jisálamu 138:8

Jihova u ngi zubhila ioso ia ngi kambe; o kiadi kié, Ngana, ki kiene kúbhua; kana kuehelela o kikalakalu kia maku mé.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisálamu 81:13

Uaué! Tamano o mundu uami a ẋikinine ku ngʼívua! tamano Izalaiele uendele mu njila jami!

Izaía 19:25

Mbata Jihova dia Ilombo Ieta, ua-nda kua kà a Zediuisa, uixi: Mundu uami ua Ijitu, a tunge a some, Asídia kikalakalu kia maku mami, a tunge a some, Izalaiele undundu uami, a tunge a some.

Izaía 29:23

Kioso kia kà mona muiji uê, kikalakalu kia maku mami muʼaxaxi kâ, euá, dijina diami a kà di kôlesa; Dilemba dia Jakobo a kà mu xila; Nzambi ia Izalaiele a kà mu kala ni uoma.

Izaía 43:21

Povo ienhiʼii nga i solo phala ende ni ku ngi ximana.

Izaía 43:7

Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.

Izaía 44:21

Eie Jakobo ni Izalaiele, lembalala ima ienhiʼii, mbata eie u selevende iami; eme-muène nga kʼumba, eie Izalaiele tata, u selevende iami; eme ki nga-nda ku ku jimba, kana.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Nzuá 3:21

Maji oso-phe a bhanga o kidi, eza ku mukengeji, phala o mukengeji uidikize ima iâ ia bhanga, kuma mu ku i bhanga a tumaka Nzambi.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

II Kolindo 5:5

Muène Nzambi ua tu iudika phala ku tu bilula kienhiki iú ua tu bhana-ku kiá o diẋîkina dia Nzumbi iê mu ima ioso ia-ndo tu bhana.

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

Ngalásia 6:15

Kuma mua Kristu Jezú, ki u kala a ku saie, ki u kala ka ku saie, kiene kioso ki kia kate-ku kima; kia kate-ku o ku mi bhangulula athu obhe.

Efezo 1:1

Eme Phaulu, Poxolo ia Kristu Jezú mu vondadi ia Nzambi. Nga sonekena akua Ngana ala mu mbanza ia Efezo, ni jifiiele mua Kristu Jezú.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 2:13

Maji o kiki-phe, mua Kristu Jezú, enu mua sandukile dikanga kua Nzambi, a mi bheka dingi bha zukama ni Muène, mu kúfua kua Kristu.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Efezo 2:6

Kuma Nzambi ua tu fukununa kumoxi ni Kristu, iú ua tu xikamesa-nê ku ungana ku ididi ia diulu mua Kristu Jezú.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 4:24

Mu zuata o muthu uobhe a mu bhangulula mu kidifua kia Nzambi, ki di monekena mu kukala ni muenhu ua kuiuka, ni mu kuzela kua kidi.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

II Tesalonika 2:17

a mi izalese o miẋima ni kubhua uôma, a mi suinise ni mu kuzuela ni mu kubhanga ima ioso iambote.

I Timote 2:10

Maji kota uzuatelu ua kubhanga ima iambote, kala kia fuama ahatu a sola kuxila Nzambi.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 5:25

Kiene ue ni ikalakalu iambote, sai-ku imoxi-mu ia di monekena kiá; o ioio ue ia kambe kumoneka, kenʼu tena ku i sueka.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

II Timote 3:17

Iene iosuʼii phala muthu ua Nzambi a tenene, ua di lungu kiasoko, mu kubhanga madimu moso mambote.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

Tito 3:1

Athu a lembalese kuma, a di tume ni jixefe ni jingana ji tumina, a tumake jinge, a sakalale mu kubhanga ikalakalu ioso ia mbote.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

Jihebeleu 10:24

Tu di xinganekienu mudietu, tu di suinise mu ku dizola, ni kubhanga o mbote.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 2:6

Uoso-phe u amba uixi: Ngala mu kisangela kumoxi ni Nzambi, u fuama kuenda ma tu sukula o ituxi ioso.