Efezo 2:1 - O Mikanda Ikola

¹ Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Efezo 2:1 ပူးပေါင်းရင်းမြစ်များ

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Matesu 8:22

Kuala Jezú: Ngi kaiele eme; eie ehela afi mu afi a fûnde akuâ.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Nzuá 10:10

O muíi uiza ngó mu kunhana, ni kujibha, ni kumuanga. Maji eme ngeza, phala o jimbudi ji kale ni muenhu, ji bhanduluke kiavulu.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

I Timote 5:6

Mutudi uoso-phe ua baluka mù bhanga o jivondadi jê, ió uafu kia nè-mbe ualʼê ku muenhu.

I Nzuá 3:14

Kuma etu tua kʼijiia kuila tua tundu muʼalunga, etu tua bokona ku muenhu, mukonda o jiphange jetu tua ji zolo. Uoso ua kambe kuzola mukuá, ió hanji nguzu ia kalunga ia mu naminina.

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!