Efezo 1:9 - O Mikanda Ikola

⁹ ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

Efezo 1:9 ပူးပေါင်းရင်းမြစ်များ

Jisálamu 33:11

Phangu ia Jihova kene ku i lungulula, kuma ia kalé; kikutu kia ta muene, ki xalela ku miji ni miji.

Jelemiia 2:29

Mu luilʼahi phata nʼeme? Enu oso muene mua ngi tondalela, eme ngi Jihova.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

Ngalásia 1:12

Ki ngi i tambula ue ku muthu, ka ngi longo-iu kuala muthu, maji nga i tambula mu kisumua kia Jezú Kristu muene.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Ngalásia 1:16

O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Efezo 1:8

Mbata Nzambi mu kuijiia kuene na-ku ni kutongoloka kuê kuoso,

Efezo 3:11

Nzambi ua bhange kiki kala ki andala muène mu kikanenu kiê kiòkulu-kulu kia tenesena mua Kristu Jezú, Ngana ietu.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.