Efezo 1:6 - O Mikanda Ikola

⁶ Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Efezo 1:6 ပူးပေါင်းရင်းမြစ်များ

Jisálamu 22:20

Ngi kudile ku mukuale ua ngi zuikila; muenhu uami umoxièlele ki uie ni jímbua.

Jisálamu 60:5

Mukonda a nʼé a jihenda a bhingi ku a bhandulula, eie-phe itaié ni lukuaku lué lua dilu, u tu bhulule.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 43:21

Povo ienhiʼii nga i solo phala ende ni ku ngi ximana.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Ijila 15:15

o nganga a mu bhele dimoxi ku kiamenga kia kituxi, o dia mukuâ phala sata ia kubhakula ni túbhia; mu kubhanga kiki-phe nganga u mu bhangela kiamenga kia kibhubhe kiê, bhu pholo ia Jihova.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 20:9

A bokuene ku ola ia kakuinhi ni kamoxi, anga a a bhana kala muthu denádia.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Nzuá 10:17

Kiene kia ngi zolela Tata, mukonda ngi bhana muenhu uami phala hinu ngi u tambule dingi.

Nzuá 3:35

Tata ua zola o Mona, iu ua tula o ima ioso bhu maku mê.

Loma 8:1

Kiki kiá kana-ku dingi kuêla kua ió ala mua Kristu Jezú.

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Efezo 1:12

Kala kiki, etu tua dianga o ku ta kudielela kuetu mua Kristu, tu ximanienu Nzambi mukonda dia unéne uê!

Efezo 1:14

O Nzumbi Ikôla kifua diene o diẋikina dia tu bhana dia kuila hinu tua kà tambula kua Nzambi kiokio kia kanena o mundu uê, ni kuila hinu Nzambi ua kà bhana ufolo uatenena kua ió oso a mu tokala. Uila kiki, tu Ximanienu o unéne uê!

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.