Efezo 1:4 - O Mikanda Ikola

⁴ Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 1:4 ပူးပေါင်းရင်းမြစ်များ

II Samuuele 22:24

Muene ka ngi mono ni mixima iiadi bhu pholo iê, ituxi iami nga fulu muene i ku kaiela.

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 20:7

Uila kiki, dizelesienu mu kale mu athu akôla, ki mu moneka kikuma, mbata Eme Jihova Nzambi ienu.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Jipoxolo 18:10

Mukonda Eme ngala ni eie. Kana muthu u tena ku kubhanga kiaiibha; kuma mu mbongeʼ umu, Eme ngala-mu ni mundu uami uavulu.

Loma 8:33

Nanhi u ta mulonga ua kima kua athu a Nzambi òsole? Muène Nzambi ua a lungisa kuamba kala ni kikuma.

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

Kolose 1:22

Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

Kolose 2:2

Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Tesalonika 3:12

Enu-phe Ngana a mi bandekese, a mi vudisile dingi o henda ienu mudienu ni athu oso. O henda ienu ieneʼ oio i kule dingi kinéne, kala o henda ietu i tua mi kala na-iu.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

I Nzuá 4:16

Etuene ue tuejiia o henda ia Nzambi ia tu kuatela, etu tua i xikana. Nzambi henda. Uoso ua tungu mu henda, ua tungu mua Nzambi, o Nzambi ua tungu mua muène.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.