Efezo 1:23 - O Mikanda Ikola

²³ Mukonda o Ngeleja uene o mukutu ua Kristu ua tenena iú ua subhaka ni muène-muene, mukua kuizalesa o ima ioso mu ididi ioso.

Efezo 1:23 ပူးပေါင်းရင်းမြစ်များ

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Loma 13:5

Uila kiki, mua bhingi mu belesela, ki mukonda ngó dia kaxtiku ka Nzambi, maji mukonda dia muẋima muene ue o ku mi tuma-kiu.

I Kolindo 12:6

O unjimu ua maufunu ua di tungula mu idifanganu, maji-phe Nzambi imoxi u bhana unjimu moxi dia ene oso, phala muthu ni muthu nʼ a bhange o kikalakalu kiê.

I Kolindo 15:28

Maji kioso kia kà zubha ima ioso kutolokela Kristu, hé i kala bhoxi dia ungana uê, kiene ue kiua, o Mona muene, kia kà di tula bhoxi dia ungana ua Nzambi, ió ua tena kutolola o ima ioso, iú ua i tula bhoxi dia ungana ua Kristu. Kienhokio kiene kiua Nzambi kia kà kala mù tumina sé mbambe ku thandu dia ima ioso.

Efezo 2:16

O mu kufua kuê ku dikulusu, Kristu ua jibha o unguma uoso. O mu dikulusu diê, muene mua takanesena o miji iiadiʼ oio mu kukala mukutu umoxi ngó, iú ua a vutula ni ku a luulula kiiadi kiâ ni Nzambi.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 4:10

Kieniki uoso ua tulukile, muene ue ua bande ditala dia bhingi maùlu moso ua ma somboka, katé kia kala mu kuizalesa o ididi ioso.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Efezo 4:13

Mu kieniiki, katé ki tua kà bhixila etu ene oso mu kuongama kua kuxikana kuetu, ni mu kuijiia o Monʼ a Nzambi. Anga tu kala ku uadiakime, hé tuia ni kukula katé mu kitale kia tenena kia Kristu.

Efezo 4:4

Sai-ku mukutu umoxi ngó ni Nzumbi imoxi, ni kima kimoxi kia mi dielelesa enu oso mu ku mʼixana kua Nzambi.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.