Efezo 1:17 - O Mikanda Ikola

¹⁷ Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 1:17 ပူးပေါင်းရင်းမြစ်များ

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jobe 42:5

Ngana, ki nga kuijidile kiambote, nga kuívua jinga ngó ni mátui mami; maji o kiki, mesuʼami ala ku ku mona.

Jisálamu 24:10

Muenexi uavu o kijingo mukuahi? Jihova u tumina o ifuẋi, muene o muenexi uavu o kijingo. (Selah.)

Jisálamu 24:7

Zangukenu mítue mu mabhitu a kimbaka, o mielu iê iókulu-kulu i jikuke, muenexi uavu o kijingo phala a bokone.

Jisálamu 29:3

Dízui dia Jihova di bhita ku thanduʼa menha; Nzambi uene ni kubenha, u numina; Jihova ua xikama ku menha mavulu.

Makatukilu 28:3

Ua kà zuelesa ue jimesene oso ejiia kiambote, nga undu ni uhete ku muxima, a kuate kutunga izuatu ia Alá, phala ku mu lumbila, mbé ende ni kubhanga o kikalakalu kiami kia unganga.

Jisabhu 18:15

Muẋima ua hete, u sota o kuijiia; mátui ma jinjimu, ma sota kutongolola.

Jisabhu 2:5

eie-phe ua-nda kuijiia uoma ua Jihova, anga u dʼijiia kiambote ni Nzambi.

Izaía 11:2

Anga o nzumbi ia Jihova ia kà mu tula ku thandu diê, iene o nzumbi ia unjimu ni kutetuluka, nzumbi ia phangu ni ndongo, ifikidila muthu, iene nzumbi i bhekela muthu o kuijiia ni kukala ni uoma ua Jihova.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Daniiele 10:1

Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Matesu 20:33

Ene a mu ambela, exi: Ngana, o mesu metu, ku tu tonesa-nâ!

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 12:12

Mukonda o Nzumbi Ikôla, muène u mi longa kumbi dienhódio, kioso ki mua fuama kuzuela.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

Jipoxolo 7:2

Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 15:6

Phala mu kieniiki enu oso muenhu uenu u kale umoxi mu kuximana ni dikanu dimoxi, Nzambi, Tata ia Ngana ietu Jezú Kristu.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 14:6

Kala kiki, eme jiphange, se ngi mi sanga mu ku mi kunda ku mualʼ oko, ni ngi kuata kuzuela jimbimbi jengi, ngi mi bhandulula-hi? Ki mu bhanduluka-ku kima, se ngi kamba kuta maka ma kujingununa o ima ia Nzambi, mba ma kuijidisa, mba ma upolofeta, mba maka ma umesene ua kulonga.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

II Kolindo 12:1

Kua ngi bhingi ku di hanza, sumbala ki kua ngi fuama. Kindala ngi kuata ku maka ma isumua ni majingunuinu ma ngi bhana Ngana.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Efezo 3:5

Mʼ ukulu ku miji iamukuâ o kikutu kiki kà edikisile-kiu luua; o kiki-phe Nzambi mu Nzumbi iê ua ki tukuluila o Jipoxolo jê jangene ni Jipolofeta.

Efezo 4:13

Mu kieniiki, katé ki tua kà bhixila etu ene oso mu kuongama kua kuxikana kuetu, ni mu kuijiia o Monʼ a Nzambi. Anga tu kala ku uadiakime, hé tuia ni kukula katé mu kitale kia tenena kia Kristu.

Filipe 3:15

Ndokuenu kiá, etu oso-ku tua kulu kiá mu nzumbi, tu kadienu ni kilunji kia kuxinganeka jinga kala kiki. O ki kala sai ni bhuma bhu mua kuatela kilunji kiengi, kieniokio ue Nzambi u mi jimbuluila-kiu.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Tiiaku 2:1

Enu phange jami, mua xikana kua Ngana ietu Jezú Kristu, uene ku Ungana, kana kukala jinga ni katungu kʼathu mukonda dia kusuua o jipholo jâ.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Dijingunuinu 7:12

exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!