Dimatekenu 9:6 - O Mikanda Ikola

⁶ O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Dimatekenu 9:6 ပူးပေါင်းရင်းမြစ်များ

Dimatekenu 4:14

Eie-phe ua ngi kaiʼó kizuua kia lelu, ku mavu a ngongo; bhu pholo ié kifua ki ngi kala-bhu dingi; ngenda jinga ni ku ku suamena, ngà kala ngi munhungani, ngi lenga-lenga ngó, ngi muthu ki ngi moneka kididi mu ngongo; kià kala-phe kuma uoso ió u ngi tuuama, u ngi jibha.

Dimatekenu 42:22

Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

Dimatekenu 5:1

Didi diene o divulu dia Ingo ia vumu ia Adá: Kizuua kia bhanga Nzambi o muthu, ua mu bhange mu kidifuanganu kiene kia Nzambi;

II Samuuele 4:11

Kuambe dingi o athu iá, o isuéia a jibhila o muthu ua iuka mʼonzo iê, bhu hama iê bhua zeka; manhi o manhinga mê ngi kamba ku mʼebhula bhu lukuaku luenu, ni ku mi jimisa ue o mbutu mu ngongo?

I Jisobha 2:9

Ko kué-phe ka kambe kikuma; kabasa eie uala u hete, eiemuène kiá u ijiia kioso ki ua kà tokala ku mu bhanga; maji o jimvi jê ua kà ji bhiẋidisa mu mbila ni manhinga.

II Jisobha 11:1

Ataliia, manhʼâ Akaziia, kioso kia mono kuila o monʼê a mu jibha, ua balumuka iú ua jimisa o mbutu o musala uoso ua sobha.

II Jisobha 11:16

Anga a mu ta maku; maji o muene-phe ua di tela o njila ia dibokuenu dia jikabalu, uia mʼonzo ia sobha, hé a mu jibhila mueneʼomo.

II Jisobha 11:20

O kifuẋi kioso kiaʼxi anga ki kala mu tana; o mbonge ue ia tululuka, tundé Ataliia kia mu jibha ni xibhata bhu mbandu ia inzu ia sobha.

II Malunda 33:24

Abhikʼê anga a mu ta o kikutu kia ufe hé a mu jibhila mʼonzo iê muene.

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Makatukilu 20:13

Kana kujibha mukuenu.

Jisabhu 28:17

Muthu se uabhangele ufumbe ua kujibha mukuá, o manhinga ma iú a mu jibha anga ma mu oseka, uila o lengʼé katé mu kina, tuleé; aie, ki bhu kale muthu u mu kudila.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Ijila 17:4

anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Ijila 24:17

Uoso ue ujibha muthu, ió, ni kidi, a fue muene.

Dialuilu 35:16

Hé ua mu kuama ni felu, iú uafu, kijibhanganga muene; o kijibhanganga-phe mu mu jibha muene.

Dialuilu 35:25

kilômbo-phe, a tambule iú ua jibha, bhu maku a muzokediʼa manhinga, a mu bheke dingi mu mbonge ia kukondamena, muoso mua lengelele; a tunge muenhomo katé bhu ufuilu ua nganga ia dikota, a mu undile ni maji akôla a kuundila.

Dialuilu 35:33

Kienhiki ixi i mua tungu ki mu i te lufuku; kuma o manhinga ma kijibha ma fukula ixi; ixi ki i xikina ku i bonza o lufuku lua manhinga ma kijibha, ki kale uoso ua jibha u bhana ue o manhinga mê.

Matesu 26:52

Jezú anga u mu ambela, uixi: Fomeka dingi o xibhata ié mu kizu. Kuma oso a katula xibhata, a kà fua ku xibhata.

Loma 13:4

Mbata o atumini ala jingunza ja kikalakalu kia Nzambi phala ku ku bhanga eie mbote. Maji se u bhanga imbamba iaiibha, a kuate uôma, mukonda ene ala ni kutena kua ku ku bhana kaxtiku. Mukonda ene ala jingunza ku kikalakalu kia Nzambi, phala kubheka o kaxtiku kê ku thandu dia oso a bhanga kiaiibha.

I Kolindo 11:7

O diiala, ni kidi kiene, ka tokala u futa mutue, mukonda muene kidifua kia Nzambi, muene fuma ia Nzambi. Maji o muhatu-phe muene o kuzangalala kua diiala.

Matendelelu 19:11

Maji o muthu-phe se u kanena mukuá mukonda dia ku mu zemba, hé u mu bhanga kudimuka anga u mu kitukila ni a mu jibhe, anga u lengela mu mbonge imoxi ia kukondamena, ku jimbongʼiji.

Matendelelu 5:17

Kana kujibha mukuenu.

Tiiaku 3:9

O dimi diene di tu bheza na-diu Ngana dia Tata, diene ue di tu xinga na-diu athu a a bhanga mu kidifuanganu kia Nzambi.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Afundixi 9:56

Kala kiki Nzambi ua bheka dingi ku thandu dia Abimeleke o kituxi kiê kia tele kua tatʼâ, mu jibha o jiphange jê makuinhi sambuadi a muthu!

I Samuuele 15:33

Samuuele-phe, uixi: Kuma o xibhata ié ia bhangesa ahatu kukamba anʼâ, kiene ue kimoxi mamʼenu ua-ndu kamba ana muʼaxaxi ka akuâ. Samuuele anga u sesa Akake, u mu bhanga ku idiandu-idiandu, bhu pholo ia Jihova bhu Jidingale.