Dimatekenu 9:5 - O Mikanda Ikola

⁵ Ni kidi kiene o manhinga menu nga kà ebhula muene, o manhinga ma mienhu ienu nga kà ebhula muene ku kiama kioso katé ni bhu lukuaku lua muthu, xi, katé ni bhu lukuaku lua muthu ni mukuá, nga kʼebhula o muenhu ua muthu.

Dimatekenu 9:5 ပူးပေါင်းရင်းမြစ်များ

Dimatekenu 42:22

Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

II Samuuele 4:11

Kuambe dingi o athu iá, o isuéia a jibhila o muthu ua iuka mʼonzo iê, bhu hama iê bhua zeka; manhi o manhinga mê ngi kamba ku mʼebhula bhu lukuaku luenu, ni ku mi jimisa ue o mbutu mu ngongo?

I Jisobha 2:6

Eie-muène kiá u ijiia kioso ki u mu bhanga, maji o jimvi jê ki ji bhiẋile mu mbila ni kutululuka.

II Jisobha 11:1

Ataliia, manhʼâ Akaziia, kioso kia mono kuila o monʼê a mu jibha, ua balumuka iú ua jimisa o mbutu o musala uoso ua sobha.

II Malunda 24:22

Mu kubhanga kiki, sobha Jouaji ka lembalala dingi o mbote ia mu bhangele Joiada, tatʼa Zakadiia, maji ua mu jibhila monʼê, ua bhingi mu kufua iú tenda, uixi: Jihova ua-nda ku ki mona, hé ua kà ku ibhula na-kiu.

II Malunda 33:24

Abhikʼê anga a mu ta o kikutu kia ufe hé a mu jibhila mʼonzo iê muene.

II Malunda 33:25

Maji akuaʼxi ue, a jibha muene eneʼoso a tundile ufe kua sobha Amone, anga o mundu uene, mʼoxi, a zangula monʼê Joziia anga a mu hingisa bhu kididi kiê.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Makatukilu 20:13

Kana kujibha mukuenu.

Makatukilu 21:12

Se muthu u kuama mukuá katé kia fua, ió-phe muthu ua ku mu jibha ue, sé kufula.

Ijila 19:16

Kana kukala u kitoka kia jimbuémbue muʼaxaxi ka akuenu; kana kusota kujimisa o muenhu ua mukuenu; Eme-muène Jihova.

Ijila 24:17

Uoso ue ujibha muthu, ió, ni kidi, a fue muene.

Ijila 24:21

Uoso-phe ujibha kibhaku kiangene, a ki vutule, maji uoso u jibha o muthu, muene ue a mu jibhe.

Dialuilu 35:16

Hé ua mu kuama ni felu, iú uafu, kijibhanganga muene; o kijibhanganga-phe mu mu jibha muene.

Dialuilu 35:17

Hé ua mu kuama ni ditadi dia kuata, di tena kujibha muthu, muthu iú uafu, kijibhanganga muene; o kijibhanganga-phe a mu jibha muene.

Dialuilu 35:18

Ne-mbé ua mu beta ni muxi ua kuata, u tena kujibha muthu, muthu iú uafu, kijibhanganga muene, o kijibhanganga-phe a mu jibha muene.

Dialuilu 35:21

mba ua mu beta ngó ni maku, mukonda dia ku mu zemba, katé kia fu; uoso ua beta mu mu jibha muene, mukonda kijibhanganga; muzokediʼa manhinga muene u jibha o kijibhanganga, bhuoso bhua takanena-nê.

Matesu 23:35

Phala o manhinga moso ma athu aiuka ma dizunza mu ngongo ni ma kèza ku thandu dienu, tunde ku manhinga ma Abele, o muthu uaiuka, katé ku manhinga ma Zakadiia, monʼa Balakiia, mua mu jibhila bhu kaxi dia kididi kikôla ni kalatódio.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Matendelelu 19:11

Maji o muthu-phe se u kanena mukuá mukonda dia ku mu zemba, hé u mu bhanga kudimuka anga u mu kitukila ni a mu jibhe, anga u lengela mu mbonge imoxi ia kukondamena, ku jimbongʼiji.

Matendelelu 19:12

Adiakimi oso a tokala-nê bhu bhata diê, a tume o ku mu takana kua lengelʼoko, na mu bhakule bhu maku a muzokedi a manhinga phala a mu jibhe.

Afundixi 9:56

Kala kiki Nzambi ua bheka dingi ku thandu dia Abimeleke o kituxi kiê kia tele kua tatʼâ, mu jibha o jiphange jê makuinhi sambuadi a muthu!