Dimatekenu 9:25 - O Mikanda Ikola

²⁵ Anga u zuela, uixi: Kanana a mu bhubhidile; A kale mubhika u bhikila abhika, Jiphange jê ji mu tumina jinga.

Dimatekenu 9:25 ပူးပေါင်းရင်းမြစ်များ

Dimatekenu 3:14

Jihova Nzambi anga u ambela o nhoka, uixi: Mukonda ua bhange kiki a ku te mázui, a ku tungula mu ibhaku ioso ni iama ioso ia iangu; u huhuta jinga ni mala bhoxi, u dia mavu izuua ioso ia muenhu ue.

Dimatekenu 4:11

Kiki-phe lamba dié, tundé ku mavu a bhane mu kanu mu kúnua manhinga ma phangʼié, ma tundu ku lukuaku lué.

Dimatekenu 49:7

Mázui ku thandu dia njinda iâ ia usuéia, kuma ia vudile kinéne; ni ku uluami u kala kiki, ua kàka ni uene! Nga kà a uana-uana mua Jakobo, hé nga kà a muangena mua Izalaiele.

Dimatekenu 9:18

O anʼa Noué-phe a mala a tundu mu álaka, eneʼá: Seme, ni Hame, ni Jafete; Hame muene tata ia Kanana.

Dimatekenu 9:22

O Hame, tata ia Kanana, u mona tuẋi ia tatʼâ, hé u tangela jiphange jê kiiadi ala bhu kanga.

Dimatekenu 9:24

Noué anga u phaphumuka ku vinhu iê, hé uijiia kia mu bhange monʼê ua kasule.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Nzuá 8:34

Jezú u a vutuila, uixi: Kidi kiene, ngi mi ambela: Uoso u ta kituxi, muène mubhika ua ituxi.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 28:18

Mbutu i tunda mu divumu dié ikala ue ni uíndua; o mbutu i tunda mu díbhia dié i kala ue ni uíndua; o ibhanga ié ia jingombe, ni ilunga ié ia jimbudi, ikala ue ni uíndua.

Josuué 9:23

Kiki-phe mua di bhekela mázui: Ubhika ki ua mi bhua dingi muaxaxe kenu, ua kukala a-ẋangi a jihuinhi, ni a-teki a menha ma dibhata dia Nzambi iami.

Josuué 9:27

Kizuua kienhókio, Josuué ua a te mu kukala a-ẋangi a jihunhi, a-teki a menha ma kionge kioso, ni kalatódio ue ka Jihova, katé mu kizuua kia lelu, bhu kididi bhuoso bhua sola.