Dimatekenu 9:22 - O Mikanda Ikola

²² O Hame, tata ia Kanana, u mona tuẋi ia tatʼâ, hé u tangela jiphange jê kiiadi ala bhu kanga.

Dimatekenu 9:22 ပူးပေါင်းရင်းမြစ်များ

Dimatekenu 10:6

Anʼa Hame eniá: Kuxi, Mizilaími, Pute ni Kanana.

Dimatekenu 9:23

Bheniʼobho ni Seme ni Jafete, a kuata dibeka, a di kuatela ku kunda kiiadi kiâ, enda ni dima, tatʼâ a mu futa tuẋi iê, jipholo jâ a ji bhana kuengi, tuẋi ia tatʼâ ka i tale mesu.

Dimatekenu 9:25

Anga u zuela, uixi: Kanana a mu bhubhidile; A kale mubhika u bhikila abhika, Jiphange jê ji mu tumina jinga.

I Malunda 1:8

O ana a Hame: Kuxi, ni Mixilaími, ni Pute, ni Kanana.

Jisálamu 40:15

A sekalese, mu kaxtiku ka kubhuma kuâ, enhó oso a kuata o ku ngi uaua!

Jisálamu 70:3

Sonhi jʼa kuate, a vutuke kua tundu ni josonhi jâ, enhó oso ala ku ngi uaua, exi: Uá! Ua di bhé-kiu!

Jisabhu 25:9

Di tetulule ni mukuenu muene, ku mu xe bhoxi anga ua kà mu tanga ndunda kuengi, hé u mu tungununa.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Habakuke 2:15

Lamba dia ió uoso u bhana mukuá kunua uhólua! Eie uala ku mu zukamesa o kisudi kié, anga u mu kodiuisa, phala kioso kia zula ni u mu tale tuẋi iê.

Matesu 18:15

Mukuenu se ua ku te kituxi, ndeie u mu idikize kikuma kiê, maji ni eie ni muène ngó ku ubheka uenu. O kia kuívua, mukuenu ua mu nganhala.

I Kolindo 13:6

O henda ki i sangulukila ima i kamba kuiuka i bhita na-iu akuá, maji i sangulukila o kidi.

Ngalásia 6:1

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.