Dimatekenu 9:20 - O Mikanda Ikola

²⁰ Noué anga u kuata kudima o mavu, u phapha díbhia dia mivide;

Dimatekenu 9:20 ပူးပေါင်းရင်းမြစ်များ

Dimatekenu 3:23

mukonda dia kiki, Jihova Nzambi ua mu kaie mu díbhia dia Edene, phala aie mu dima o mavu kua mu katuile.

Dimatekenu 4:2

Anga u vuala dingi Abele. Abele anga u kala mubidi ua jimbudi, Kaini-phe kidima-kaji.

Dimatekenu 5:29

Anga u mu luka dijina dia Noué, uixi: Muenʼiú u tu bhandulula mu ibhangelu ietu, ni mu kukalakala kua maku metu, mukonda dia mavu iá òʼnake kuala Ngana.

Dimatekenu 9:19

Iá ene ana a tatu a Noué a mala; o mu kusokoloka kua eneʼâ, kuene kua tungisa dingi ixi ioso.

Dimatekenu 9:21

anga u nua ku vinhu iê, u kodiua; u zeka mu balaka iê, ni tuẋiʼa thakala;

Jisabhu 10:11

Dikanu dia muthu ua iuka, ndunga ia muenhu; dikanu-phe dia athu a bhumu dia sueka uséia.

Jisabhu 12:11

Uoso u dima o mukáu uê, u kala ni kúdia kuê kua nzungule; uoso-phe u kaiela o ima ia kingoho, ió ua kambe kilunji.

Jisabhu 24:30

Ngʼele ku díbhia kua dimina o kimonha, eme nga bhiti kuzongola kʼóbhia dia mivide dia muthu ua kambe o kilunji,

Ndongixi 5:9

Ki tunda mu mavu ki bhandulula ene oso; katé ni sobha u dielela mu mábhia ku mukáu.

Mukumbi ua Mikumbi 1:6

Ki mu ngi tonginine o ku kusuka ku ngala na-ku, kuma ku kusuka kuami kua ngi tundu ku muanha ua ngi tuila iu ua ngʼaúla. Anʼa mamʼetu a ngi thathamena, ia a ngi te mú kuinga mábhia ma mivide; maji o díbhia diami-phe dia ngi tokala ki nga dʼingi.

I Kolindo 9:7

Dikuenze kuẋi ki aia ku ita, muene u sota o huta iê? Mba nanhi u phapha dibhia dia ji-uva nʼ a kambe kudia ku idima iê? Mba nanhi u bhila kilunga nʼ a kambe kutambula ku lete i bhana o kilunga?

Matendelelu 20:6

Mukuahi uaphaphe díbhia dia mivide, maji kiluua a tomona ku ibundu iê? A vutukile ku bhata diê, phala ki ki bhite kuila muene ufuila mu ita mumu, o díbhia diê nʼa di tomone kuala muthu uengi.

Matendelelu 28:30

Ua kà sakana muhatu, maji muthu uengi u zeka-nê. Ua kà tungaʼonzo, maji muthu uengi u i bokona. Ua kà dima mulenga ua mivide, maji ua kà lémbua kulola-ku kibundu.