Dimatekenu 9:2 - O Mikanda Ikola

² O uoma ni ku mi lenga kuala o iama, u kale ku thandu dia jixitu joso mu ngo-ngo, ni jinjila joso ji bhita bhulu; ioso i zanzala ku mavu, ni jimbiji mu menha, a i bhakula ioso bhu maku menu.

Dimatekenu 9:2 ပူးပေါင်းရင်းမြစ်များ

Dimatekenu 1:21

Nzambi anga u bhanga iama iònene iendela mu menha, ni jimbiji ja muenhu. Mu menha anga mu sokoloka kiavulu ku idifua-idifua, ni jinjila jenda ni mabhabha ku idifua-idifua; Nzambi anga u mona kuma kiauabha.

Dimatekenu 1:26

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 2:19

Jihova Nzambi, ku mavu a bhoxi anga úmba-ku jixitu joso ja iangu ni jinjila joso ji bhita bhulu; anga u ji bheka ku muthu, ku mu tala se u ji luka kiebhi; kioso-phe kia luku Adá ku jixitu ja muenhu, diene kiá o dijina diê dia xala na-diu.

Dimatekenu 35:5

Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

Dimatekenu 9:1

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Dimatekenu 9:3

Ima ioso ia muenhu, iene mu kuenda, i kale kúdia kuenu; mukuá ni ki nga mi bhana o idima ia uisu, iene ioso kindala nga mi bhana na-iu.

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Ijila 26:6

Ngi mi bhana ue o ku di bhola ku mátui, anga mu zeka kilu kiambote u mi sasumuisa ka moneka; o iama ioso i mi talesa o hadi, ngi i zumbula ku mbandu joso; mʼoxi ienu ue ki mu tena kubhita xibhata.

Tiiaku 3:7

Kuma o mbutu ioso ia iama, ni mbutu ioso ia jinjila, ni ia tubamba tu zanzala, ni ia jimbiji mu menha, ene ku i tolola kuala o mbutu ia muthu.