Dimatekenu 7:23 - O Mikanda Ikola

²³ Ima ioso ia muenhu anga i jimuka ku thandu dia mavu, tunde ku muthu, ni ibhaku, ni kibamba, ni njila i bhita bhulu; iene joso ia jimi mungongo; Noué ngó ua subhuka-ku ni iá a kexile-nê mu álaka.

Dimatekenu 7:23 ပူးပေါင်းရင်းမြစ်များ

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Dimatekenu 8:18

Noué anga u tunda, ni anʼê a mala, ni mukajiʼê ni akaji a anʼê kumoxi;

Jobe 5:19

Ua kà ku bhulula mu makubhondalala ma samanu; o lua kasambuadi ku ibha ki ku ku bhixila.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 91:7

Né kua dibhale midi bhu mbandu ié, né kuinhi dia midi ku lukuaku lué lua dilu, eie bhobho ki ki ku bhixila.

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

II Phetele 2:5

O mundu ua xahulu ue Nzambi kà u dielele, maji ua bhekele Diluviu ku mundu ua athu ió abhumu. Inda ua bhakela ngó Noué ni sambuadi dia muthu kumoxi-nê, kuma mujimbuidi ua maka maiuka.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

II Phetele 3:6

Ni kuila ue, mu kizuelu kia Nzambi oxi ioio ia kexile-ku, ia bobele mu Diluviu dia menha, anga i jima.