Dimatekenu 7:21 - O Mikanda Ikola

²¹ Jixitu joso anga ji fua, joso jenda ku thanduʼa mavu, ni jinjila, ni ibhaku, ni iama, ni ibamba ioso ienda mala bhoxi, ni athu oso;

Dimatekenu 7:21 ပူးပေါင်းရင်းမြစ်များ

Dimatekenu 1:25

Nzambi anga u bhanga iama ia kanga ni ifua iâ; Nzambi anga u mona kuma kiauabha.

Dimatekenu 6:13

Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso.

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Dimatekenu 7:4

Kuma kua kambe ngó sambuadi dia izuua, nga-nda kunokesa mvula mu ngongo mu makuinhi auana a izuua ni makuinhi a auana a usuku; katé ima ioso i nga bhanga, iala ni muenhu, nga i jimuna ku thandu dia mavu.

Jobe 34:15

xitu ioso ieje kúfua, muthu-phe ueje ku vutukila ku fufutila.

Izaía 24:19

Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Izaía 24:6

O kienhiki, kiene kia bhekela o mázui kusekalesa oxi; o ió oso a tungu-mu a-nda ku di-kota; mukonda dia kiki, a-tungi-a-xi a-nda kua oha, mua kà subhuka ngó athu òfele.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Jouele 2:3

Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.

Sofoniia 1:3

Nga kà jikinisa muene ni athu ni iama, nga kà jima jinjila ji bhita bhulu ni jimbiji mu kalunga, nga kà jimunaku o idibhukanu ioso kumoxi ni iá abhukumuka; Jihova uixi: Nga kà muanga athu oso, kulu dia mundu anga abhua-ku.

Matesu 24:39

Kejidile kima katé dilúviu dia menha ki dia tula dí dia a kungulula ene oso. Ni kia kà tukuluka Monʼa Muthu ue kiene.

Luka 17:27

Athu oso à kala mú kúdia, à kala mu kúnua; mala ni ahatu a sakana, a bhana mu kusakana, katé kizuua kia bokona Noué mu álaka. Anga dilúviu diza, di a buidisa ene oso.

Loma 8:20

Kuma o ibhangelu ioso ia buakuluka, kana mu vondadi iê, maji mukonda Nzambi muene ua ki bhangesa. Maji hanji-phe ia dielela.

Loma 8:22

Kuma tua kʼ ijiia kuila o ibhangelu ioso hanji ia kuata kukema mu misusu kala ia kuvuala katé kindala.

II Phetele 2:5

O mundu ua xahulu ue Nzambi kà u dielele, maji ua bhekele Diluviu ku mundu ua athu ió abhumu. Inda ua bhakela ngó Noué ni sambuadi dia muthu kumoxi-nê, kuma mujimbuidi ua maka maiuka.