Dimatekenu 7:11 - O Mikanda Ikola

¹¹ Mu muvu ua Noué ua kutenesa hama jisamanu ja muvu, bhu mbeji iê ia kaiadi, kizuua kia kuinhi ni sambuadi ku mbeji, kizuua kienhókio majiia ma mukiukuluku ma baza, o mazungu a diulu a jikuka,

Dimatekenu 7:11 ပူးပေါင်းရင်းမြစ်များ

Dimatekenu 1:7

Nzambi anga u ta muthandu mu dinga-ni-dinga, u bhangesa menha bhulu a di kalela ni menha bhoxi. Anga ki di bhanga kienhiki.

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Dimatekenu 7:6

Noué anga u kala mu hama jisamanu ja muvu kioso ki eza o dilúvio dia menha mu ngongo.

Dimatekenu 8:14

Ku mbeji ia kaiadi, kizuua kia makuinhi a iadi ni sambuadi ku mbeji, ixi ia kukuta kiá muene.

Dimatekenu 8:2

Majiia ma mukiukuluku, ni mazungu a diulu anga a jika, o mvula anga i batuka kunoka;

II Jisobha 7:19

O kabhitangu muenʼió anga u vutuila o muthu ua Nzambi, uixi: O bhabha kiá né-mbe hanji o Nzambi ua bhangele jinjanena ku diulu, o kienʼiki muene ki xikina ku di bhanga, kala kia tange o kizueluʼiki? O polofeta anga u muʼambela, uixi: Tala, ua-nda ku ki mona muene ni mesuʼé, maji o kuene kua-nda kudia-ku.

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

Jobe 12:15

Se menha u a kondela, ima ioso i kukuta; se ua ehelela, ngongo a i ta musèndu.

Jobe 28:4

O kangiji kà di bhanga masenza katé bhu mbandu ia iú uoso ua tungu ue bhu mbandu iê, katé ki ka xikina ku ka vuua; bheneʼobho-phe muthu u bhanga kia tena, anga menha a di hola.

Jobe 38:16

Manhi eie ua bokona kiá katé bhu otho ia musanza ua kalunga, inga uende kiá mu ididi ia zongo kinéne ia mukiukuluku?

Jobe 38:37

Nanhi muene, ni unjimu uê, u tena kualula o matuta? O itabhu ia diulu, nanhi u tena ku i lundulula?

Jisálamu 33:7

U kuata menha a kalunga kala ua a bhake mu mbinda; o musanza uazongo u u lunda mu mabhakelu mê.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Jisabhu 3:20

O mu kuijiia kuê muene mua jikukila o majiia ni makôlo; anga o matuta ma suka mbundu.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 24:19

Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Jelemiia 51:16

Muene kia di ta mutendu mu kuivisa dízui diê, diulu dioso dizala kilungutu kia menha, mbundu iia ni kutukumuka tundé kua suku oxi; Muene ua bhange o jinzaji mbé o mvula, anga u katula kitembu mu malundilu mê.

Izekiiele 26:19

Mukonda o Jihova Nzambi uambe kiki, uixi: Kioso eme ki nga-nda ku ku bhanga ngùndu hé u kala u mbanza iòsengulule mukuá ni jimbanza ki ji xikina dingi ku tunga-mu, kioso ki nganda kubhanga kidikungu ku thandu dié, anga o ndumba ia menha i ku vungina,

Malakiia 3:10

Bhekenu madijimu moso mʼonzo iami ia dilundilu, mʼonzo iami mu kale mákudia; o ki mu zubha ku ki bhanga, ngi lodienu kiá, eme ngi Jihova dia Ilombo Ieta, se ngi kamba ku mi jikuila jinjanena ja diulu, ni ku mi lunduluila dibesá, di mi soka anga di subhuka, di bhinga ki di kala ni nzôngo iê mu ku mi bhekela jimbote.

Matesu 24:38

Mbata kia kexile mu izuuʼomo, kioso dilúviu kiluua diza, a kala mu kúdia, a kala mu kúnua, ahatu ni mala a kala mu sakana, a bhana mu sakana, katé kizuua kia bokona Noué mu álaka.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

II Phetele 3:6

Ni kuila ue, mu kizuelu kia Nzambi oxi ioio ia kexile-ku, ia bobele mu Diluviu dia menha, anga i jima.