Dimatekenu 6:8 - O Mikanda Ikola

⁸ Noué-phe u sanga kiadi ku mesu ma Jihova.

Dimatekenu 6:8 ပူးပေါင်းရင်းမြစ်များ

Dimatekenu 19:19

ua ngi mono ngi selevende ié, nga bongo kiadi bhu pholo ié, jihenda jé ua ji vudisa mu ku ngi bhulula o muenhu uami; maji o dikanga dia mulundu ki ngi tena ku di zubha, kuma ngala ni hele, sumba kibuika ki ngi kuatela mu njila, ngi fua.

Jisálamu 145:20

O Jihova u langa oso a mu zola; iá-phe a bhukumuka hádia u a buikisa.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 12:2

Muthu uambote u enda jinga ni kavumbi ka Jihova; maji Jihova u êlesa uoso mukua ilunji ia dianguka.

Jisabhu 3:4

Bhene-phe ua-nda kumena o kiadi ni diximanu ku mesu ma Nzambi ni ku athu.

Jisabhu 8:35

Mbata uoso ua ngi sange eme, ua sange muenhu; ni Jihova muene ue u mu lendukila, kuma u mu bhanga favolo.

Jelemiia 31:2

Jihova uambe kiki: O kifuxi kia bhulaka ku xibhata, kia bongo kuzediua mʼoxi ia kisekele; muene Izalaiele, kioso eme ki nga-nda ku mu nhohesa.

Izekiiele 14:14

Né-mbe hanji mu kaxi kâ mu kala kitatu kiki: Noué, Daniiele ni Jobe, ene ngoho mu kuiuka kuâ eji kubhulula o mienhu iâ—Jihova Nzambi ua ki tange.

Matesu 24:37

Uila kia kexile mu izuua ia Noué, ni kia kà tukuluka Monʼa Muthu ue kiene.

Luka 1:30

Mukunji-phe, uixi: Ku kale ni uôma, Madiia! Mukonda eie ua bongo kuzediua kua Nzambi.

Luka 17:26

Kala ki kia bhitile mu izuua ia Noué, kiene ue kia kà bhita mu izuua ia Monʼ a Muthu.

Jipoxolo 7:46

Davidi iú, anga u mona kuzediua ku mesu ma Nzambi, hé u bhinga kua Ngana phala ku mu ehela kuila Nzambi ia Jakobo u mu tungila dibhata.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 4:4

Uoso-phe ua kalakala, a mu futa. O futu iê ka i bhange konda kala kiadi, maji kala dikongo, kuma kia mu fuama.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

II Timote 1:18

Ngana a mu bhese o ku mu kuatela henda mu kizuua kiná. O ima ioso ue ia bhangele mu ku ngi kuatekesa mu Efezo, eiemuène uaʼijiia kiambote.

Tito 2:11

Kuma Nzambi ua tukulula kiadi kiê mu kubhana kubhuluka ku athu oso.

Tito 3:7

Phale o ki tu zubha kulungila ku kiadi kia Nzambi muène, tu kale tu alundudi, tua dielela kutambula o muenhu ki uàbhua u tuala kukinga.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

II Phetele 2:5

O mundu ua xahulu ue Nzambi kà u dielele, maji ua bhekele Diluviu ku mundu ua athu ió abhumu. Inda ua bhakela ngó Noué ni sambuadi dia muthu kumoxi-nê, kuma mujimbuidi ua maka maiuka.