Dimatekenu 6:7 - O Mikanda Ikola

⁷ Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga.

Dimatekenu 6:7 ပူးပေါင်းရင်းမြစ်များ

Dimatekenu 6:6

Ngana anga u dielesa mu ku bhanga o muthu mu ngongo, kia mu bhekela lamba ku muxima uê.

Dimatekenu 7:21

Jixitu joso anga ji fua, joso jenda ku thanduʼa mavu, ni jinjila, ni ibhaku, ni iama, ni ibamba ioso ienda mala bhoxi, ni athu oso;

Dimatekenu 7:4

Kuma kua kambe ngó sambuadi dia izuua, nga-nda kunokesa mvula mu ngongo mu makuinhi auana a izuua ni makuinhi a auana a usuku; katé ima ioso i nga bhanga, iala ni muenhu, nga i jimuna ku thandu dia mavu.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jisálamu 37:20

Maji isuéia-phe i buila muene; jinguma ja Jihova a soka ni iẋinji ia túbhia; aia ni kujidila mu dixi, kindala a jimi.

Jisabhu 10:27

Uoma ua Jihova uia ni kubandekeza ku izuua; maji o mivu-phe ia akua phulu a ká i lengululuisa.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Amoji 7:3

Bheneʼobho Jihova u diela anga uamba, uixi: Ki kia-nda kubhita.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Sofoniia 1:2

Jihova, uixi: Nga-nda kua kà jima ioso iala mu ngongo ku thandu dia ixi.

Sofoniia 1:3

Nga kà jikinisa muene ni athu ni iama, nga kà jima jinjila ji bhita bhulu ni jimbiji mu kalunga, nga kà jimunaku o idibhukanu ioso kumoxi ni iá abhukumuka; Jihova uixi: Nga kà muanga athu oso, kulu dia mundu anga abhua-ku.

Matendelelu 28:63

Kala mʼokulu Jihova ki kia mu uabhelele kiavulu o ku mi suua, ni ku mi banga mbote, ni ku mi sokolola, kiene ue ki kia kà mu uabhela kiavulu o ku mi sengulula ni ku mi jikinisa, katé ki mu bhua-ku; nda oxi i ua-nda kuvuʼiii, u mi vuza-mu katé mua kukumuka-mu.

Matendelelu 29:20

Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.