Dimatekenu 6:5 - O Mikanda Ikola

⁵ Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 6:5 ပူးပေါင်းရင်းမြစ်များ

Dimatekenu 13:13

Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jobe 15:16

kuambe dingi o muthu ua kasana, ua xidi, únua o ituxi kala menha?

Jobe 22:15

Eie uandala u kaiela o hoka ia ukulu mua diota jinga athu a ibha?

Jisálamu 53:2

Sui! ku anʼathu kuala Nzambi mu diulu, uixi: Ngi talesa-ku mba muala ni iá ala ni kilunji, a xikina kusota Nzambi.

Jisabhu 6:18

muẋima u funha ixinganeku ia bolo, inama i sakalala mu kulenga phala kubhanga phulu,

Ndongixi 7:29

Talenu-phe, kuma o ki nga bongo ngoho mu kusota kuami, kiki: Kuila o Nzambi, muthu ua mu bhange ni kuiuka, maji o muene-phe ua di funhina ndumba dia ima iaiibha.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Izekiiele 8:12

Kieneʼokio anga u ngʼambela, uixi: Eie monʼa muthu, ua mono adiakime, o ikulakaji ia dibhata dia Izalaiele, kia muia ni kubhangela mua vundu, muthu ni muthu mu xilu diê muʼòsete ni iteka? Mbata ene amba, exi: Ngana ka tu mono. O Ngana muene ue ixi ua i ehelela!

Izekiiele 8:9

Bheneʼobho, uixi-phe: Bokona, u tale o imbamba ia isunji iaiibha ia mu bhanga ene mumu.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

Matesu 24:37

Uila kia kexile mu izuua ia Noué, ni kia kà tukuluka Monʼa Muthu ue kiene.

Luka 17:26

Kala ki kia bhitile mu izuua ia Noué, kiene ue kia kà bhita mu izuua ia Monʼ a Muthu.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.