Dimatekenu 6:3 - O Mikanda Ikola

³ Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi.

Dimatekenu 6:3 ပူးပေါင်းရင်းမြစ်များ

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Jisálamu 78:39

Ua lembalala kuma ene ala ngó xitu ia hatu; mulenge u bhita, uia, ki uiza dingi.

Jisálamu 90:10

Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Izaía 5:4

Ihi dingi i nga tokalele kubhanga mu díbhia diami dia mivide, iii nga kambe ku i bhanga? Kia bhiti-phe kiebhi, nga dielelele kuila uima ji-úva jauabha, ni kuà keza mu bhana ikola-kola?

Izaía 57:16

Kuma eme ki ngi jijilʼami kuzoka izuua ioso, ki ngi-di ue kiene ki nga teme kiene, kana; kuma nzumbi ia muthu ia vula kulémbua bhu i nhohena, ni mienhu i nga bhange.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Jelemiia 11:11

Uila kiki Jihova uambe, uixi: talesa, nga-nda ku a bhekela divuua ku thandu diâ, o dienhidi ka-nda kutena ku di bhulaka, a-nda ku dikola kokuami, eme-phe ki nga-nda kua evua.

Jelemiia 11:7

Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Dialuilu 11:17

Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.

Nzuá 3:6

Muthu a mu vuala mu xitu, ku jitata mu xitu; maji o mu nzumbi-phe kikale a mu vuala kua Nzumbi ia Nzambi.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

I Tesalonika 5:19

Kana kujima o kikalakalu kia Nzumbi Ikôla.