Dimatekenu 6:2 - O Mikanda Ikola

² Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

Dimatekenu 6:2 ပူးပေါင်းရင်းမြစ်များ

Dimatekenu 12:11

Mu kuenda-phe, ala mu zukama kiá ku Ijitu, u ambela Salai mukajiʼê, uixi: Eie-ze u muhatu ua uabha kiavulu ku mesu a athu.

Dimatekenu 24:3

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu;

Dimatekenu 26:35

Enhá-phe, a bheka kulula ni dilamba dia vulu ku muxima ua Izake ni ku muẋima ua Bebeka.

Dimatekenu 27:46

Bebeka anga u ambela Izake, uixi: Muenhu ua ngi kumu, mukonda dia ahatu enhá, anʼa Hete; Jakobo ue se u sakana muhatu ku a nʼa Hete, kala enhá, akuaʼxi mumu, nginda ngi dia hûnji, ni ngi fu; kuma o muenhu u kala kiki ngi u bhangaʼhi?

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 4:26

Sethe ue ku izuua u vuala monʼa diiala, u mu luka dijina dia Enoxe; muene mu izuua mua-ndeka athu kudikola mu dijina dia Jihova.

Dimatekenu 6:1

Mu kukala ni kukala-phe, athu kia kuata kusololoka kulu dia mundu, anga a vuala anʼa ahatu.

Dimatekenu 6:3

Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi.

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Ejidala 9:12

Uila kiki, ki mua kà bhane anʼenu a ahatu ku anʼâ a mala; o anʼâ a ahatu ki mu a tambule phala anʼenu a mala. Athu eneʼá, nuka mu a sotela kutululuka kuâ mba mbote iâ; phala enu mu suine, ni mudie ioso ia beta kuuabha mu ixi, nda mu i xile anʼenu, i kale undundu uâ katé ku hádia ni hádia.

Jobe 1:6

Kueza kizuua kimoxi, anʼa Nzami eza mu ku di bhakula bhu pholo ia Jihova, Satana ueza ue mu kaẋi-kâ.

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Makatukilu 34:16

Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Malakiia 2:11

Juda, mu kukamba kukala fiiele, ua bhekela kubhanga ufusa mu Izalaiele ni mu Jeluzaleme; mbata Juda, muthu ua zola Nzambi, kukola kua Nzambi ua ku sekalesa mu kusakana ni muhatu, mona ua mu bheza nzambi iengi.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

I Kolindo 7:39

Muhatu se ua sakana ni muthu, ua kutiua kioso muadi uê ki ala hanji ku muenhu. Maji o muadi uê se uafu, muene ua kutunuka, u sakanê ni uoso ua mu andala. Maji kikale-phe ngó ukaza mua Ngana.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

II Phetele 2:14

Katena kumona muhatu ku mesu, sè ku muʼandala ku mu bhanga kiaiibha, a lémbua kuzumbuka ku ituxi. Aia ni kunganala oso a tolo kuxikana. A kala ngó mù banza kunganhala kitadi! Ala athu a a bhubhidila kuala Nzambi!

I Nzuá 2:16

Kuma o ima ioso iene ku mundu, ki ima ia tundu kua Tata. O jihânji jaiibha ja luimbi lua xitu, o vondadi ia luimbi lua kumesena ima ioso i mona o mesu, ni izala mu ima ioso iene ku muenhu—ima ioso íii ia mundu.