Dimatekenu 50:25 - O Mikanda Ikola

²⁵ Zuze anga u lokesa anʼa Izalaiele, uixi: Hinu Nzambi kia mi zungila, ni ifuba iami mu i ambata, ki i xale mʼoxi mumu.

Dimatekenu 50:25 ပူးပေါင်းရင်းမြစ်များ

Dimatekenu 50:5

Tatʼetu ua ngi lokesa, uixi: Eme ngi fʼú; ku ngi fûnda, kale mu ngi fûnda mu mbila iami i nga kandesa mʼoxi ia Kanana. Kiki-phe nga ku diondo, ngʼehele ngi bande, ngiie nga kà funde tatʼetu, ni ngʼize dingi.

Makatukilu 13:18

Kala kiki, Nzambi-phe ua nhungisa o mundu mu njila ia kikangalakata, njila ia Kalunga Kakusuka; anʼa Izalaiele-phe mu kutunda mʼoxi ia Ijitu, ene oso a maneka ibhakatu iâ.

Makatukilu 13:19

Mozé ue ua katula o ifuba ia Zuze, iu ua i ambatesa; kuma Zuze ua lokesa jinga anʼa Izalaiele, uixi: Nzambi hinu u mi zungila, o mu kuia, ni ifuba iami mu i ambata, muia na-iu.

Makatukilu 3:17

Kala kiki, nga ki ambe muene kuma ngi mi tundisa mu jiphaxi ni jingongo ja Ijitu, ngi mi bandesa katé mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi i kunguluka lete ni uiki.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Jipoxolo 7:16

Imbi iâ anga a i ambata hé eza na-iu mu Xikeme. Anga a a funda mu mbila ia sumbile Mbalahamu, mu kitadi kia phalata kua anʼ a Hamolo, mu Xikeme.

Jihebeleu 11:22

Kiejila mu kuxikana, Zuze kia mono o kufua kuê kua zukama, u tanga o kukatuka kua anʼ a Izalaiele mu Ijitu, anga u a lekelela kioso kia bhanga o kimbi kiê.

Josuué 24:32

O ifuba ia Zuze a i fundile ue mu Xikeme, kuma anʼa Izalaiele a tundile na-iu ku Ijitu, hé a i funda mu mukáu iunhá uasumbile Jakobo kua anʼa Hamolo, tata ia Xikeme, mu hama ia itadi ia phalata; kuma ue o mikáu ioio iene iabhiti ku mbandu ia ubhinganu ua anʼa Zuze.

Lute 1:6

Nouemi anga u balumuka ni akaji a anʼê mu kutunda mʼoxi ia Mouabhe nʼa vutukise ko kuâ, kuma uevila mʼoxi ia Mouabhe kuila Jihova ua xinganeka mundu uê, iu ua a bhana kia kúdia.