Dimatekenu 50:24 - O Mikanda Ikola

²⁴ Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

Dimatekenu 50:24 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 13:17

Balumuka-phe, uende ixi ioso iii, ni bhu kuzanza kuê, ni bhu kulebha kuê; kuma hinu eie-muène ngi ku bhana na-iu.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 15:7

Anga u mu ambela dingi, uixi: Eme Jihova, nga ku katula mu ixi ia Ule ua Jikaldeu, phala ku ku bhana, o ixi iii ni i kale undundu ué.

Dimatekenu 15:8

Kuala muene: Ngana tata, u Jihova, eme nga-nda ku kʼijiia kiebhi kuila o ixi iii hádia ngi i lundula?

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 21:1

Jihova anga u zungila Sala kala kia tangele; Jihova anga u bhanga kua Sala kioso kia mu ambela.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 46:4

Eme-muène ngi kulumuka ni eie mu ku ku bheka ku Ijito; hinu ue Eme-muene ngi ku katula, ngi ku bheka dingi kunu; hádia ki u badikinha, lukuaku lua Zuze luene lua kà ku jika o mesu.

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

Dimatekenu 48:21

Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.

Dimatekenu 50:5

Tatʼetu ua ngi lokesa, uixi: Eme ngi fʼú; ku ngi fûnda, kale mu ngi fûnda mu mbila iami i nga kandesa mʼoxi ia Kanana. Kiki-phe nga ku diondo, ngʼehele ngi bande, ngiie nga kà funde tatʼetu, ni ngʼize dingi.

Jobe 30:23

Maji-phe, eme nga kʼijiia, kuila hádia u ngʼambata kuʼalunga, ku inzu ia dibhongolokelu, ia kinga ene oso ala ku muenhu.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 13:19

Mozé ue ua katula o ifuba ia Zuze, iu ua i ambatesa; kuma Zuze ua lokesa jinga anʼa Izalaiele, uixi: Nzambi hinu u mi zungila, o mu kuia, ni ifuba iami mu i ambata, muia na-iu.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 33:1

Ngana ka mesena kuenda dingi ni Izalaiele Jihova anga u ambela Mozé, uixi: Katukenu! Bhabha tundenu-bhu, ni eie ni mundu u ua katula mʼoxi ia Ijitu, muie kʼoxi i nga lokela Mbalahamu, ni Izake, ni Jakobo, ngixi: Ngi i bhana mbutu ienu.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Ndongixi 12:5

Kala ue ki u kuata kiá uoma kiókio ki ala bhulu, o mu njila anga mu kala kiá isunji, O (mu mútue hé mu zela mukua ni) muxi ua mumendouela ua temuna itulu, o dihoho di kituka kimbamba, o hânji ia kúdia ki iala-ku dingi; mukonda o muthu ua-nda kuia kiá mʼonzo iê inangenena, o akua kudila ni kuta jingololo anga a kuata kuimajana mu nzunga.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Dialuilu 32:11

Kidi muene, mala enhá a tundu mu Ijitu, oso a kuata kiá makuinhi aiadi a muvu, mba ku makuinhi aiadi a muvu a te-ku kiá, ni muthu ngó ka kà mona mʼoxi i nga lokela kua Mbalahamu ni kua Izake, ni kua Jakobo; mukonda ka ngi kaiela ni lujiji;

Loma 5:12

Kala kiki, mukuâ ni kia bokona o ituxi mu ngongo ku muthu umoxi, o kufua kù kuejiia mu ituxi; kiene ue kia bhiti o kufua ku thandu dia athu oso, kuma ene oso ituxi a i te.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Jihebeleu 11:22

Kiejila mu kuxikana, Zuze kia mono o kufua kuê kua zukama, u tanga o kukatuka kua anʼ a Izalaiele mu Ijitu, anga u a lekelela kioso kia bhanga o kimbi kiê.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

Josuué 24:32

O ifuba ia Zuze a i fundile ue mu Xikeme, kuma anʼa Izalaiele a tundile na-iu ku Ijitu, hé a i funda mu mukáu iunhá uasumbile Jakobo kua anʼa Hamolo, tata ia Xikeme, mu hama ia itadi ia phalata; kuma ue o mikáu ioio iene iabhiti ku mbandu ia ubhinganu ua anʼa Zuze.