Dimatekenu 5:22 - O Mikanda Ikola

²² Enoko anga uenda ni Nzambi; kia zubha kuvuala Matúzala, u laia hama jitatu ja mivu, hé u vuala anʼa mala ni anʼahatu.

Dimatekenu 5:22 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 24:40

Muene ua ngʼambela, uixi: Jihova ió ua bhingi ngala kuenda jinga ku mesu mê, u tuma anjo iê ku ku bheka, u ku bhana kuzediua mu njila mu ua-nda kuila, o monʼami ua diiala ua kà mu solele muhatu ku jindandu jami, mu bhata dia tatʼetu.

Dimatekenu 48:15

Anga u bhana kizediuise kua Zuze, uixi: Nzambi ió ua bhingi o jitata jetu Mbalahamu ni Izake enda jinga bhu pholo iê, Nzambi ió ua ngi tambula eme o konda muenhu uami uoso katé kizuua kia lelu,

Dimatekenu 5:21

Enoko anga u bhanga makuinhi a samanu a muvu ni itanu, anga u vuala Matúzala.

Dimatekenu 5:23

Izuua ioso ia Enoko anga i tena konda ia hama jitatu ja muvu ni makuinhi a samanu ni itanu;

Dimatekenu 5:24

Enoko anga uenda ni Nzambi, anga ku mesu a athu u jimuka-ku, kuma Nzambi ua mu ambata.

Dimatekenu 6:9

O malunda a Noué eneʼá: Noué ua kexi muthu uaiuka, sè kuêla kua kima muʼa xaxe ka akua muiji uê; Noué anga uenda ni Nzambi.

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

Jisálamu 116:9

Ngʼenda kiá bhu pholo ia Jihova, kʼulu dia mundu kunu, kua tunga athu a muenhu.

Jisálamu 128:1

Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 26:11

Eme-phe nga mesena ki ngi kala ni ikuma; ngi kudile bhuoso bhu nga tatela, u ngi kuatele henda.

Jisálamu 56:13

Kuma eie ua ngi kula o muenhu uami kuʼalunga; ua fudisa inama iami kuẋangumuka, phala ngiie ni kuenda bhu pholo ia Nzambi mu muanha uazele ua athu a muenhu.

Jisálamu 86:11

Ngi longe njila ié, u Jihova, ngende jinge mu kidi kié; endesa o muẋima uami, ngi kale jinge ni uoma ua dijina dié.

Makatukilu 16:4

Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.

Mukumbi ua Mikumbi 1:4

Ngʼambate, tuie lusolo, kokué. Sobha ua ngi bokuesa mu xilu diê. Tua kà sanguluka, tua kènda ni kutanena momué; O henda ié tua kà beta ku i xinganeka o vinhu ndenge; kiene kia ku zolela oso a iuka o miẋima.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Amoji 3:3

Mala kiiadi a tena kuendela kumoxi, se kala kudivua?

Mikeia 4:5

Mukonda o kiki ifuẋi ioso a mu kuendela, muthu mu dijina dia nzambi iê, muthu mu dijina dia nzambi iê; etu-phe tua kʼèndela mu dijina dia Jihova Nzambi ietu, ku izuua ni izuua ki iene ni dizubhilu.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Malakiia 2:6

O ngonge ia kidi ia kexile mu kanu diê; ku mizumbu iê ki kua mu kexile phulu ia kima; uenda jinga ni eme mu paze ni kuiuka, iu ua longo avulu kulenga o kubhuma.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 8:1

Kiki kiá kana-ku dingi kuêla kua ió ala mua Kristu Jezú.

I Kolindo 7:17

Maji-phe kala muthu a kale mù kioso kia mu uanena Ngana, kioso o kikexilu kiê kia mu ixanena Nzambi, kiene kiá ki enda. Kiene ki ngene ku a longa mu Jingeleja joso.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Efezo 5:15

Uila kiki, alukenu-phe kiambote kioso ki muenda. Kana kala mu ioua, maji mu kala mu jinjimu.

Matendelelu 13:4

Muenda jinga-phe ni kukaiela Jihova Nzambi ienu; mu mu kuatela jinga uoma; ijiia iê mu i aiuka; muenda ni ku ívua jinga o dízui diê; muene ngó mu mu sedivila, anga mu zukama ngó kua muene.

Matendelelu 28:9

Jihova ua-nda ku ku imika mu ku kala u kifuẋi kia ditungula, kala kia ku lokela-kiu kiá; kikale-phe eie uaiuka o ijiia ia Jihova Nzambi ié, anga uendela jinga mu ikoka iê.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.