Dimatekenu 5:2 - O Mikanda Ikola

² Ua a bhange diiala, ni muhatu; anga u a benzela, u a luka dijina dia Adá kizuua kiene kia a bhanga.

Dimatekenu 5:2 ပူးပေါင်းရင်းမြစ်များ

Dimatekenu 1:27

Nzambi anga u bhanga muthu mu kidifuanganu kiê, mu kidifuanganu kiê muene mua mu iudika; iú u kala diiala, iú u kala muhatu kia a bhanga.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 2:15

Jihova Nzambi anga u kuata o muthu, u mu ta mu díbhia dia Edene phala ku di dima ni ku di tambula konda.

Dimatekenu 2:23

Adá anga u zuela, uixi: Kiki kifuba kia tundu mu ifuba iami, xitu ia tundu mu xitu iami; dijina diê a kà mu ixana muhatu mukonda ua tundu ku diiala.

Dimatekenu 5:3

Adá u bhanga hama ia muvu ni makuinhi atatu, anga u vuala monʼa diiala mu kidifuanganu kiê-muene, ua bhabhelela ku kijingo kiê, anga u mu luka dijina dia Sethe.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

Matesu 19:4

Muène anga ua a vutuila, uixi: Manhi kiluua mu tanga kuma Ió uoso ua a bhanga mu dimatekenu, ua a bhanga diiala ni muhatu?

Marku 10:6

Tunde-phe ku dimatekenu dia kubhanga ima ioso, a ki zuela kuila: Nzambi ua a bhange ndumbe ni mukaji.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.