Dimatekenu 49:25 - O Mikanda Ikola

²⁵ Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

Dimatekenu 49:25 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 27:28

Nzambi a ku bhane dimume dia diulu, Ni mavu a bhana idima mu ngongo, Ni masa ni vinhu ia nzungule;

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:21

Eme hinu ni ngi bhongoloka dingi ku bhata dia tatʼetu ni kutululuka; Jihova-phe u kala Nzambi iami.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 35:3

Phala bhabha tu tunde-bhu, tu bande ku Betele; nga kà iudike kuenhoko kalatódio ka Nzambi, ua ngʼitaia bhu kizuua kiami kia kubhondalala, anga uia ku ngi bheka njila ioso ioio i nga kuatele.

Dimatekenu 43:23

Muene-phe u a ambela, uixi: Tululukenu, ki mu kale ni uoma. Nzambi ienu o Nzambi ia tatʼenu, muene ua mi tela o mbole ia jimbongo mu jisaku jenu; kitadi kienu nga ki tambuidiʼê. Anga u a bhekela Ximinhá bhu kanga bhuala ene.

Dimatekenu 48:3

Jakobo anga u ambela Zuze, uixi: Nzambi, Muteni-a-Ioso, ua ngi tukulukila bhu Luze, mʼoxi ia Kanana iu ua ngi bhana o kizediuise,

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 85:12

Euá, Jihova u tu bhana dingi o mbote ioso iafuama; o mavu metu ende ni kubhana dingi o idima iê.

Makatukilu 18:4

ndenge dijina diê Eliiezele; kuma uambe, uixi: Nzambi ia tatʼetu ua ngi kuatekesa, ua ngi kudila ku xibhata ia Falaó.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.