Dimatekenu 49:24 - O Mikanda Ikola

²⁴ maji o uta uê ua mufula hanji muene ua suína, mixibha iê ia maku ia tambula nguzu, kua ió Kutende diangene dia Jakobo, kuene kua tundu o mubidi, ni tadi dia Izalaiele.

Dimatekenu 49:24 ပူးပေါင်းရင်းမြစ်များ

Dimatekenu 45:11

Eme ngi ku dikile muenhomo; kuma hanji kua-nda kukala mivu itanu ia nzala; phala ku tate anga uiza mu uadiama, ni eie, ni dibhata dié dioso ni ioso kiá ia ku tokala.

Dimatekenu 45:5

Kiki-phe kana kutata ngó, kana ku di bhonda, mukonda dia ku ngi sumbisa kunu; mukonda Nzambi ua bhangesa kuila eme ngi mi tuamenena kunu, phala o mienhu ienu i kale iólunde.

Dimatekenu 45:7

Kiene kia bhekesa Nzambi ku ngi tumikisa ku pholo ienu, eme nga dianga kunu phala ku mi subhikisa o mbutu ienu mu ngongo, ni ku mi bhana muenhu, ni ubhulukilu ua dikota ua madiuanu.

Dimatekenu 47:12

Zuze anga u kala mu dikila tatʼâ, ni jiphange jê, ni dibhata dioso dia tatʼâ katé ni anʼâ oso u a tambula konda.

Dimatekenu 48:15

Anga u bhana kizediuise kua Zuze, uixi: Nzambi ió ua bhingi o jitata jetu Mbalahamu ni Izake enda jinga bhu pholo iê, Nzambi ió ua ngi tambula eme o konda muenhu uami uoso katé kizuua kia lelu,

Dimatekenu 49:23

Akua mifula a mu tatesa kiaiibha, a mu zukutisa, a mu asa misongo;

Dimatekenu 50:21

Kala kiki-phe, ki mu kale ni uoma; eme ngi mi tambula konda ni enu ni aneʼenu. Kienhiki Zuze kia tululuisa o jiphange jê, iú ua a bhuisa o hele ku muxima.

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Jisobha 13:16

Bheneʼobho uambela sobha ia Izalaiele, uixi: O mufula nana-u. O muene anga u ki bhanga. Ilizeu anga u ta makuʼé ku maku a sobha.

Nehemiia 6:9

Mbata ene oso a kexi mu kusota ku tu kuatesa uoma, exi: Andu katulaku o maku mâ, anga kikalakalu a lémbua ku ki bhanga. Kiki-phe, eie u Nzambi, suinisa o maku mami.

Jobe 29:20

Ujitu uami ua-nda kua kàia ni ku di bandekeza momuʼami, o mufula uami ua kà suina kiengi bhu maku mami.

Jisálamu 118:22

O ditadi dia ditunu jimesene ja kutunga, dia di bhange diene o mútue ua kuatesa bhu thungi.

Jisálamu 132:1

Jihova, tata, lembalala Davidi, ni hadi ioso ia tale;

Jisálamu 132:2

kioso kia lokela Jihova, anga u di hambelela kua Ngunza ia Jakobo, uixi:

Jisálamu 132:5

katé ki ngi sota kididi kia Jihova kia kutula, o dibhata mu tunga Ngunza ia Jakobo.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 18:30

Nzambi, o uendelu uê, kutetuluka kuoso; maka ma Jihova ma di kenze, kala ni dixilu; muene ngubu ia kuxitila oso a di tuma-nê.

Jisálamu 23:1

Jihova mubidi uami uala ku ngʼinga ki ngi bhindama ni kima kana.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 28:8

Jihova muene o nguzu ia mundu uê; muene ue u bhana o muenhu kua muthu uê ua mu undu ni maji.

Jisálamu 44:7

Maji ua tu bhana o muenhu, eie ua kaia o jinguma jetu; eie ua kuatesa jisonhi kua oso a tu zembe.

Jisálamu 73:23

Suke kiene, hanji-phe izuua ioso ngi kala jingʼami nʼeie; mbata eie ua ngi kuata mu lukuaku lua kadilu.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 89:1

Ngʼimba jinga jihenda ja Jihova, o ufiiele ué ngi u tanga muene ni dikanu diami, kutunda muiji kuiza muiji.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 3:9

Mukonda, talesa-ze, ditadi didi di nga tula bhu pholo ia Josuué. Ku ditadi didi, dimoxʼèlele, kuala sambuadi dia mesu; Eme-phe nga-nda kuseta-ku o kisetelu kiê, anga kikuma kia ixi iii ngi ki katula mu kizuua kimoxi, kiene kiambe Jihova dia Ifuẋi.

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Marku 12:10

Enu kiluua mu tanga makʼama, mòsoneke mu Mikanda Ikola, kuila: O ditadi dia di tunu jimesene, diene dia kuatesa bhu thungi;

Luka 20:17

Muène-phe u a tala kiambote suí uixi: Makʼ ama-phe a a soneka kiebhi mu Mikanda Ikôla kuila: Ditadi dia di tunu o jimesene diene dia kuatesa bhu thungi?

Jipoxolo 4:11

Muenʼió Jezú, a mu tange kuala o Madivulu ma Ngana, kuila: Muène o ditadi di mua tènde enu mu jimesene, dia bhingi diene di kuatesa bhu thungi.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

Matendelelu 34:9

Josuué, monʼa Nune-phe, anga uizala ni Nzumbi ia unjimu, kuma Mozé ua tudile maku mê ku thandu diê; kienhókio anʼa Izalaiele akuata ku mu ivua kia zuela, anga a bhanga kala kia xindi Jihova kua Mozé.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Josuué 17:18

o milundu tambula-iu muene; o muxitu, u u solala, kioso ki tunda-mu, ki kale kiê; Makanana ua kà a kaia muene, sumbala akua makalu a jifelu, anʼa mazonda muene.

Afundixi 1:22

Dibhata dia Zuze anga di banda mu kúlua ni Betele; Jihova anga u kala-nâ kumoxi.