Dimatekenu 49:10 - O Mikanda Ikola

¹⁰ Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Dimatekenu 49:10 ပူးပေါင်းရင်းမြစ်များ

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

I Malunda 12:24

O ku ana a Juda, a bheka o tungubu tuofele ni jisosa, midi jisamanu ni hama nake, abhakata phala kúlua.

I Malunda 12:39

Hé akala kuenhoko, ni Davidi, izuua itatu, anga akala mu kúdia ni kunua, mukonda o jiphange jê ene a a iudikilile o mákudia.

Jisálamu 108:8

Ngileiade uami eme, Manasa ue uami; Ifalaíme kijinga kiami kia ku ta ku mútue; o Juda mbasá iami ia ungana.

Jisálamu 60:7

Ngileiade uami eme, Manasa ue uami; Ifalaíme kijinga kiami kia mútue; o Juda muene mbasá iami ià ungana.

Jisálamu 60:9

Kilolo nanhi, u ngi bheka mu mbonge iakolo? Nanhi u ngi songuela mu kuia ku Edomo?

Jisálamu 78:68

U sola kiá o muiji ua Juda, ni mulundu ua Ziione ua zolo kiavulu.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 60:1

Phaphumuka, u muike; mbata mukengeji ué iu uiza kiá, o kubenha kua Jihova ku banda kiá ku thandu dié.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Izekiiele 19:11

Anga u kala ni jithangu ja kolo kiambote, phala o jimbasá ja atumini; uene hé u di-leka mu kitala kiê, mu kaxi ka jithangu jʼezala isasa; anga mu kitala kiê, u di monekena ni ndumba iê ia jithangu.

Izekiiele 19:14

O ku luthangu luê lumoxi kua tundu túbhia tuoha o ibundu iê, katé ki kuala dingi luthangu ngó lumoxi lua kolo lu tokala kukala mbasá ia kutumina na-iu. Kuku kuene o ku di tenda kua kà xalela-ku.

Izekiiele 21:27

Mu senguludienu! Mu senguludienu! Nga-nda ku mu sengulula hé ngi mu kambesa-bhu muene, katé kia kʼèza ió ua mu tokala mu kidi kiene, o kokué kuene ku nga kà mu bhana.

Izekiiele 21:32

Ua kà di bhanga kúdia kua túbhia; o manhinga mé a kà kala muʼaxaxe ka ixi; ki mungu dingi a kà ku banza, mbata eme ngi Jihova nga ki zuela.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Zakadiia 10:11

Kalunga ka musanza ua Ijito a kà mu bhita ni dilamba, o mabhuku ma musanza Jihova ua kà ma batamesa, honga joso ja Nilo ja kà kukuta katé bhu hôle; kienhókio Asídia izala ia kà mu bhua, o Ijito mbasá ia ungana ia kà mu katuka.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Dialuilu 21:18

Kixima kia kande ilamba, Adiakimi a vota o mavu, Mbasá bhu maku ni jimbangala ja ulamba uâ! Kutunda bhobho mu kikangalakata a tula bhu Matana;

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

Dialuilu 24:19

Mua Jakobo mua kà tunda ngûngu, u tumina, ua kà buidisa oso a subhuka mu jimbanza.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Matesu 25:32

Bhu pholo iê bhenhobho bhua kà bhongoloka akuajixi joso, muène anga u a tungula, kala mubidi u tungula jimbudi mu jihombo.

Nzuá 12:32

Eme se a ngi zangumuna bhoxi, ngi sunga athu oso ko-kuami.

Nzuá 18:31

Pilatu, uixi: Mu ambatienu, mua kà mu fundise kioso kia tokala mu Kitumu kienu. Jijudé exi: Ki kôla etu kujibhisa muthu.

Nzuá 19:12

Tunde Pilatu kievu kienhókio, u sota kujituna Jezú. Maji o Jijudé-phe a di kola, exi: Ki u mu jituna, ku dikamba dia Sézalu dingi! Mukonda uoso u di tanga, uixi: Ngi sobha, ua kitukila Sézalu!

Nzuá 19:15

Ene-phe a di kola, exi: Aie-nê; Aie-nê! Aie-nê, ku dikulusu! Pilatu ua ambela, uixi: Sobha ienu, kífua muandala ngi mu ta ku dikulusu? Makota ma jinganga, exi: Etu ki tuala ni sobha iengi! Sobha ietu Sézalu ngó, kuabhu!

Nzuá 9:7

Anga u mu ambela, uixi: Ndé, ka di sukule mu dizanga dia Silôua. (Dijinʼ idi, mu ku di jimbulula diedi: A mu tumu). Muène anga uia-bhu, hé u di sukula. O mu kuiza, ua-lu mona kiá kiambote.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Matendelelu 28:57

Ua zemba kiki mukonda ngó dia kibu ni ima dingi itundila mʼoxi a inama iê mu kubhanduluka; o kia vuala mona, anga udiê, u a dila mu kasuekèle bhu hota, o munumiʼê a zekele-nê bhu hàma imoxi, u mu imina-u, mukonda-phe dia kukamba kúdia kuengi, kingumba o jinguma jenu ja mi bhondeleka ni ku mi kondela kuene kuoso, anga ku mielu ienu ioso kuila ngé.

Jihebeleu 7:14

Tua kʼijiia kuma Ngana Jezú ua tokala ku muiji ua Juda. O muiji iú-phe Mozé ka u tange kukala ni kima, kioso kia zuela bhu kaxi ni jinganga.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!