21 Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.
Mbalamu anga u katula mukajiʼê Salai, ni Lote monʼa phangʼiê ia diala, ni jimbongo jâ joso ja bhongolola, ni athu a muenhu a di bande-nâ bhu Halane; anga a katuka mu kuia kʼoxi ia Kanana ende muene katé kia bhiẋila mʼoxi ia Kanana.
Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;
Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.
Eme-muène ngi kulumuka ni eie mu ku ku bheka ku Ijito; hinu ue Eme-muene ngi ku katula, ngi ku bheka dingi kunu; hádia ki u badikinha, lukuaku lua Zuze luene lua kà ku jika o mesu.
Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!
Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.
bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.
Jihova muene ua-nda ku ku tuamenena ku pholo, muene ua-nda ku ku banda; muene ka-nda ku ku xa, kana; ka-nda ku ku ehelela. Kana kukala-phe ni uoma, mba u kala ni hele.
Ka moneka tata, ka moneka mama, Melekizedeke ka moneka Uvadiue mba ufuilu uê. O kia di fangana Monʼa Nzambʼiki, u kaiela-ku ku unganga, nuka a tunda-ku dingi.
Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.
Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.
Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.
Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.
Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.