19 Tatʼâ anga u dituna, uixi: Nga kʼijiia muene, monʼami, nga kʼijiia; muene ue uà di bhanga kifuẋi, uà kala ni kijingo; maji-phe ndengʼiê ua kà mu tunda uà kala ndumba ia ifuẋi.
Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.
mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.
Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.
Izalaiele anga u sunununa o lukuaku luê lua kúdia, u lu tula ku mútue ua Ifalaime, o ndenge; o lukuaku luê lua kiasu, u lu tula ku mútue ua Manasa, o dikota; maku ua a bhidika kiluelu, kuma Manasa muene o phande-kumbi.
Maji nʼeie, ni mundu ué, ni dibhata dia tatenu, Jihova ua-nda ku mi bhekela izuua ia iibha, ijila kua sobha ia Asídia; o ienhiʼiii kiluua mu i mona, tundé bhu kizuua kia batuka Ifalaími kua Juda.
O Jipelesa, ni akua Lídia ni akua Pute ene a kexile o masoladi é a ita mu ilômbo ié; ni jingubu ni jikapasete, a ji nhenga jinga momuʼé; ene a di bhangele o makembu mé.
Muene akale ni uzonda kala ua ngalote ia ngombe iê ia phande-kumbi. O jimbinga jê jile kala kaluimba. Jene ja-nda ku kuama na-ju bhuamoxi o ifuẋi katé ku jimbambe jaʼxi. Enhá ene o kuinhi dia midi ja Ifalaíme, ene o jimidi ja Manasa.
ku muiji ua Asele, kuinhi dia midi ni midi jiiadi; ku muiji ua Nafitali, kuinhi dia midi ni midi jiiadi; ku muiji ua Manasa, kuinhi dia midi ni midi jiiadi;
ku muiji ua Nzebulone, kuinhi dia midi ni midi jiiadi; ku muiji ua Zuze, kuinhi dia midi ni midi jiiadi; ku muiji ua Bejamí, kuinhi dia midi ni midi jiiadi, a a te kidimbu.