Dimatekenu 48:1 - O Mikanda Ikola

¹ Mu kukala-phe, kia zubha kubhita ima iii, bhu kala uoso ua kundu Zuze, uixi: Tatʼenu iú kata; muene anga uia-ku, ni anʼê aiadi, Manasa ni Ifalaime.

Dimatekenu 48:1 ပူးပေါင်းရင်းမြစ်များ

Dimatekenu 46:20

Zuze mʼoxi ia Ijito anga u bhanga-mu Manasa ni Ifalaíme, a mu vualela-nâ kuala muhatʼuê Azenate monʼa Poti-fela, nganga ia One.

Dimatekenu 48:2

Bhu kala ue uoso ua kundila Jakobo, uixi: Monʼê Zuze iú uiza ku ku kunda. Izalaiele anga u di kolokotesa, u xikama bhu hama.

Dimatekenu 48:5

Kiki-phe anʼê aiadi u ua vualela kunu ku Ijito, kioso eme kiluua ngiza mu Ijito, a kala anʼami; ni Ifalaime ni Manasa a kala anʼami, mukua ni Lubene ni Ximinhá, ene oso ami eme.

Dimatekenu 50:23

Zuze anga u mona anʼa Efalaime katé ku alulu ni aluululu; ni anʼa Makidi ue, monʼa Manasa, a a vualela ue hanji ku jiphuna ja Zuze.

II Jisobha 13:14

Anga Ilizeu u kala mu kata, o uhaxi ue ueniú uene uafu na-u. O Jehouaji-phe, sobha ia Izalaiele, u kulumuka kua muene mu ku mu hindula; u didila mu pholo iê, uixi: Tatʼetuʼé, tatʼetue, makalu ma Izalaiele, ni athu é a sambelà-mu!

II Jisobha 13:20

Kia bhiti imʼiii, Ilizeu u fua anga a mu funda. Tala, o masoladi ma akua Mouabhi, ene mu kuiza, ku ibuka, mu kúlua o ixi, ku dimatekenu dia muvu.

Jobe 42:16

Kia bhiti imʼiii, Jobe anga u kola muenhu mu hama ia mivu ni makuinhi a uana; anga anʼê u a mona ku mesu ni anʼa anʼê, katé ku muiji ua kauana.

Jisálamu 128:6

Ni ana ni alaula eie ua kà a mona mesu, ni kutululuka ku thandu dia Izalaiele!

Nzuá 11:3

Jiphange ja ahatu enhá anga a tuma kuambela Jezú, exi: Ngana, kunu o kamba dié Lázalu ua mu zola, iù kata.

Jihebeleu 11:21

Kiejila mu kuxikana, Jakobo kia kumbama, u bhana dibesá kua ana kiiadi a Zuze. Muène anga u xamenena ku mbangala iê, u bheza Nzambi.

Josuué 14:4

Anʼa Zuze, ene-ku a di bhange miiji iiadi, Manasa ni Ifalaimi. O jilevita ka ji bhele undundu, a a bhele ngó jisanzala, phala a tunge a some, ni mikáu iâ ku maxilu a mabhata mbé o ibhaku iâ ni uvuilu ua ilunga iâ.