Dimatekenu 47:6 - O Mikanda Ikola

⁶ Oxi ioso-phe ia Ijiito iala ku mesu mé, kuoso ku ua mono kuuabha, kuene ku u tungisa tatʼenu ni jiphange jé; a kadiʼâ mʼoxi ia Ngozene. Se eie uejiia kuila mudiâ muala makuenze ambote, u a bhana kijingo kia kutambula konda ia ibhaku iami ia ngi tokala.

Dimatekenu 47:6 ပူးပေါင်းရင်းမြစ်များ

Dimatekenu 13:10

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 13:9

Ixi ioso ki ii ia di zaleʼoio bhu pholo ié? Tu di uanunune-ze ni eie ni eme. Ki uila u di tela ku kiasu, eme ngile ku kúdia; ki uila u di tela ku kúdia, eme ngile ku kiasu.

Dimatekenu 20:15

Abimeleke anga u mu ambela, uixi: Ixi iami iii, ua i mono; bhuoso bhua ku uabhela, u tungʼé.

Dimatekenu 34:10

mu tunge ni etu kumoxi. Ixi ioso ii-ié iiii; enʼuenu mu mona bhuoso bhu mu tunga, mu te mauenji, mu fune jimbongo, mu kale-mu ni kienu kia mi tokala.

Dimatekenu 45:10

utunge mʼoxi ia Ngozene, u ngi zukame kunu, ni eie ni anʼé ni alaúlʼé, ni jingombe jê, ni ilunga iamukuâ ia ibhaku, ni jimbongo joso kiá ji uala na-ju.

Dimatekenu 46:34

Mua kà mu vutuila kuma: Jiselevende jé, Ngana, akua kúvua ibhaku, tunde mu undenge katé ni kiki, ni etu ni atatʼetu; phala mu tunge mʼoxi mumu ia Ngozene; kuma mubidi, mukua kuinga ibhaku, o mukua Ijito ka tungu-nê kumoxi, kijila kiâ.

Dimatekenu 47:11

Zuze, anga u bhana kididi kua tatʼâ ni jiphange jê, u a bhana ni mikáu iâ ia a tokala kutungila mʼoxi ia Ijito, ua a sotela muene kididi kiambote mʼoxi ia Lamaseje, kala kia tumu Falaó.

Dimatekenu 47:16

Zuze uixi; Bhanenu ibhaku; ngi mi sumbise kúdia mu ibhaku, se itadi iabhu.

Dimatekenu 47:4

Anga ambela Falaó, exi: Tueza kukala hanji mʼoxi mumu; mbé dia sabhèlela ia kambe ia ibhaku ia selevende jé; kuma nzala i vula mʼoxi ia Kanana; kiki-phe, tua ku diondo, selevende jé tu kale hanji mʼoxi ia Ngozene.

Dimatekenu 47:5

Falaó anga u ambela Zuze, uixi: Tatʼenu ni jiphange jé eza kokué, a ku tula eie.

I Jisobha 11:28

Jelobouamu anga u kala munzangala ua dizonda: Salomá kia mono munzangala iú, kuma mukalakadi ua nguzu, u mu ta ku pholo ia kutumina kikalakalu mu dibhata dia Zuze.

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Makatukilu 9:10

Ene anga a katula o utókua ua fólono, emana bhu pholo ia Falaó, Mozé anga u u kuua bhulu, anga u di bhanga mâmbu ni maveve aia ni kufuafua ku mikutu ia athu ni ku mikutu ia ibhaku.

Makatukilu 9:21

Maji-phe oso ahuku, nguaʼuâ kusuua kizuelu kia Jihova, ni ngunza jâ, ni ibhaku iâ, a i xalesa ku mukáu.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Jelemiia 40:4

Kikiphe, tala, nga ku jituna lelu ku malubhambu ma kexile mu maku mé. Se kia ku uabhela kuiza nʼeme ku Babilonha, zá; eme muene nga-nda ku ku langa, maji se ki ki ku uabhela kuiza nʼeme ku Babilonha, kalʼé. Talesa-phe, oxi ioso iala ku mesu mé, bhuoso bhu ua mono bhua ku uabhela, bhua ku iukila ku mesu mé, ndé, u kaliʼé bhenhobho.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

I Samuuele 21:7

Sai-phe muthu ku mbèle ia Saúlo u kala-bhu ue kizuua kienʼokio, a mu kingisa bhu pholo ia Jihova; dijina diê Doueki mukua Edomo, muene dikota ku abidi a Saúlo ene mu kuinga ibhaku iê.