Dimatekenu 47:4 - O Mikanda Ikola

⁴ Anga ambela Falaó, exi: Tueza kukala hanji mʼoxi mumu; mbé dia sabhèlela ia kambe ia ibhaku ia selevende jé; kuma nzala i vula mʼoxi ia Kanana; kiki-phe, tua ku diondo, selevende jé tu kale hanji mʼoxi ia Ngozene.

Dimatekenu 47:4 ပူးပေါင်းရင်းမြစ်များ

Dimatekenu 12:10

Mʼoxiʼomo anga muiza nzala, anga u kulumuka mu Ijitu phala kubhanga-mu izuua, mukonda nzala iavulu ieza mu ixi.

Dimatekenu 15:13

Muene anga u ambela Mbalamu, uixi: Ijiia na-kiu kiambote kuma, mbutu ié hádia a kà kala jinzuangiza mʼoxi iengi, ki iâ ene, a kala mu bhikila akuaʼxi koko; a kà kala mu ku a tatesa mu hama jiuana ja muvu.

Dimatekenu 43:1

Nzala anga i vula kinéne mu ngongo.

Dimatekenu 45:10

utunge mʼoxi ia Ngozene, u ngi zukame kunu, ni eie ni anʼé ni alaúlʼé, ni jingombe jê, ni ilunga iamukuâ ia ibhaku, ni jimbongo joso kiá ji uala na-ju.

Dimatekenu 46:34

Mua kà mu vutuila kuma: Jiselevende jé, Ngana, akua kúvua ibhaku, tunde mu undenge katé ni kiki, ni etu ni atatʼetu; phala mu tunge mʼoxi mumu ia Ngozene; kuma mubidi, mukua kuinga ibhaku, o mukua Ijito ka tungu-nê kumoxi, kijila kiâ.

Dimatekenu 47:5

Falaó anga u ambela Zuze, uixi: Tatʼenu ni jiphange jé eza kokué, a ku tula eie.

Jisálamu 105:23

Izalaiele anga u kulumuka mu Ejito; Jakobo u di bhanga nzuángiza mʼoxi ia Hame.

Izaía 52:4

Mbata Jihova Nzambi, uambe kiki: Mu thembu jòkulu mundu uami ua kulumukine ku Ijitu, phala kunhunganena koko; o Asídia ue hé u kuata ku a tatesa sè kikuma.

Jipoxolo 7:11

Kieniokio-phe kukala nzala i bhita mʼoxi ioso ia Ijitu, ni ia Kaná, ni phaxi iavulu! Jitata jetu kà muene kudia.

Jipoxolo 7:6

Nzambi anga u mu tangela kiki, kuma: Mbutu ié a kà kala mu inhunginu mʼoxi iengi, kuenioko a kà a bhikisa, ni ku a bhanga phulu mu hâma jiuana ja mivu.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.