Dimatekenu 47:24 - O Mikanda Ikola

²⁴ Hinu-phe ki mu bhongolola, ioso i mua munu mu uana mu mbandu jitanu, o Falaó mu mu bhana mbandu ia katanu, o jiuana ji kala jenuʼenu; jenu ja mbutu ia mábhia, jenu ja kúdia, ni enu ni mabhata menu ni anʼenu.

Dimatekenu 47:24 ပူးပေါင်းရင်းမြစ်များ

Dimatekenu 14:20

A tane-ku ue, Nzambi Suke-ku, ua ku thelekala jinguma jé bhu maku mé. Anga u mu bhakuila o dijimu ku imbamba ioso iambata.

Dimatekenu 14:21

Sobha ia Sodoma-phe anga u ambela Mbalamu, uixi: Ngi bhane ngó o mienhu, jimbongo joso tambulé.

Dimatekenu 28:22

O ditadi didi di ngʼemika kala philadiʼdi, di kala inzo ia Nzambi, o ku jimbongo joso ji u ngi bhana, ngi ku bakuila-ku mbandu ia kakuinhi.

Dimatekenu 41:34

Falaó a bhange dingi kiki: A sole jinguvulu mʼoxi ioso a kala mu tambula o mbandu ia katanu ku idima ioso ia Ijitu, mu sambuadi dia mivu ia kuvula o idima.

Dimatekenu 47:23

Zuze anga u ambela mundu, uixi: Ua mono, lelu nga mi sumbu, ni mavu enu angene a Falaó; amenu! mbutu iii phala mu dime dingi o mavu mu kune.

Dimatekenu 47:25

Mendu-phe exi: Eie muene ua tu bhana o muenho! tu sange ngalasa ku mesuʼé u ngana ietu, tu kale tu abhika a ngene a Falaó.

Jisálamu 112:5

U mona mbote, muthu u kala mukua kiadi, u bhandulula akuá; imbamba iê ioso u i endesa ni kutetuluka.

Jisálamu 41:1

U zediua o muthu ió uoso u xinganeka ngadiama; kuma mu kizuua kia dilamba, Jihova u mu kudila ue bhuoso bhua tatela.

Ijila 27:30

Tukuinhi tuoso muene tua mábhia, ni ku idima ni ku ibundu ioso ia miẋi, tua ngene tua Jihova; tuê-Muene, kuma ima iê, ikôla.

Ijila 27:32

Ki tu tanga-phe o tukuinhi ku ibhaku ia jingombe ni jimbudi, ni ibhaku ioso kiá ia seia ni mbangala ia mubidi, mu ku i kondala, o kakuinhi koso muene katokala ku díjimu diangene dia Jihova.

Dialuilu 18:21

Uila kiki, o ana a Levi nga a bhana o mbandu ja kakuinhi joso mu Izalaiele, ji kale undundu uâ, ku kikalakalu kiâ kia ukunji kia mu bhanga, mu ukunji ua balaka ia kutakanena.

Matendelelu 14:22

Ku idima ioso ima mʼóbhia dié muvu ni muvu, eie u katula jinga-ku o mba-ndu ia kakuinhi phala madijimu ma Jihova, kioso ki uzubha kumuna o díbhia.

Matendelelu 26:12

Mu muvu ua katatu, ua tokala o madijimu, kioso ki u zubha o kubhongolola madijimu oso a jimbote ja idima ié, enda ni ku ma uanena o levita, ni kidijila, ni monʼa difundu, ni mutudi ua fundu o diiala, nda akale ni kia kúdia mu diembu diʼeie, phala ekute.