Dimatekenu 47:17 - O Mikanda Ikola

¹⁷ Anga eza ni ibhaku iâ kua Zuze; Zuze anga u a bhana kúdia mu ibhaku ia jikabalo, ni jimbudi, ni jihombo, ni jingombe, ni ji-jumento; ua a bhana kúdia mu ibhaku muvu uoso uenhó.

Dimatekenu 47:17 ပူးပေါင်းရင်းမြစ်များ

Dimatekenu 47:16

Zuze uixi; Bhanenu ibhaku; ngi mi sumbise kúdia mu ibhaku, se itadi iabhu.

Dimatekenu 47:18

O kiabhu muvu uenhó, ku muvu ua kaiadi, eza kua muene a mu ambela, exi: Ki tu ku dingila-kiu dingi, ngana, kuma itadi ietu iabhu, o ibhaku ietu ia bhiti kiá ku konda ia ngana ietu; kua xala-hi dingi ku mesu a ngana ietu, oko kua xala kiá ngó o mikutu ietu iene ni jixi, kuabhu.

I Jisobha 10:28

Anga Solomã a kala ku mu takanena jikabalu ja Ijito; anga afuni a sobha a kala ku ji tambula mu ilunga ilunga, kilunga ni suilu iê, kilunga ni suilu iê.

Jobe 2:4

Bheneʼobho Satana u vutuila Jihova, uixi: Muenhu uà touala, kuma kikonda mu kikonda, o muthu ioso iala na-iu u i bhana mu ku kula o muenhu uê.

Makatukilu 9:3

talesa o lukuaku lua Jihova lua-nda kutuluka ku thandu dia ibhaku ié iala mu mukáu, ni ku jikabalu, ni jibulu, ni ku jikamelo, ni ku jingombe, ni ku jimbudi, ni ku jihombo; ku kala muene dibhebhu dia iibha.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).