Dimatekenu 47:10 - O Mikanda Ikola

¹⁰ Jakobo anga u benzela Falaó, u tunda bhu pholo iê.

Dimatekenu 47:10 ပူးပေါင်းရင်းမြစ်များ

Dimatekenu 14:19

Anga u mu tanesa, uixi: Tana-ku, tana-ku! Eie u Mbalamu ia Nzambi Suke-ku, uavu o diulu ni ixi.

Dimatekenu 47:11

Zuze, anga u bhana kididi kua tatʼâ ni jiphange jê, u a bhana ni mikáu iâ ia a tokala kutungila mʼoxi ia Ijito, ua a sotela muene kididi kiambote mʼoxi ia Lamaseje, kala kia tumu Falaó.

Dimatekenu 47:7

Zuze anga u bheka Jakobo dia tatʼâ, u mu tula bhu pholo ia Falaó. Jakobo anga u benzela Falaó.

II Samuuele 19:39

Mundu uoso anga a zaúka Njolodá, muenexi ue anga u zaúka; muenexi anga u bhana Badizilai jibeju, u mu tula kizediuise, muene anga u vutuka ku bhata diê.

II Samuuele 8:10

Toi u katula monʼê Jolamu, u mu tuma kua sobha Davidi, ku mu kunda, ni ku mu tanesa, mukonda ualu ni Hadadezele, iu ua mu beta; kuma Hadadezele ua kexile izuua ioso mu kúlua ni Toi. Jolamu anga u mu bhekela malonga a phalata, ni malonga a ulu, ni malonga a ngôndo.

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Jisálamu 129:8

Abhite-a-njila ka tena, kuila: Tana-ku! Mba amba, exi: O kizediuise kia Jihova ki kale ku thandu dié. Etu tua mi te o kizediuise mu dijina dia Jihova!

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

Jihebeleu 7:7

Kana-bhu phata kuila uoso u bhana o dibesá ua beta o ukota, o a mu bhana o dibesá ndenge. Mu ku tanga o jinganga-phe, o mbandu ia kakuinhi a i tambula ku athu a kinga o kufua.

Josuué 14:13

Josuué anga u mu ta kizediuise anga u bhana ixi ia Hebolone kua Kalebe monʼa Jefune, mu kala undundu uê.

Lute 2:4

Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.