Dimatekenu 46:5 - O Mikanda Ikola

⁵ Jakobo anga u katuka dingi bhu Bele-seba; anʼa Izalaiele a mala ambata tatʼâ Jakobo, ni tuana tuâ, ni ahatuʼâ endela mu makalu a mu tumikisa Falaó phala ku mu ambata.

Dimatekenu 46:5 ပူးပေါင်းရင်းမြစ်များ

Dimatekenu 21:14

Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.

Dimatekenu 45:19

Eie-phe, nga ku bhana ngonge kuila mu bhanga kiki: Muia ni makalu a kunu ku Ijitu, mbé muene muendela anʼenu, ni akajʼenu, mu katule ue ni tatʼenu, muize-nê mu tu sange.

Dimatekenu 45:21

Anʼa Izalaiele anga a bhanga kienhiki. Zuze anga u bhana o makalu kala kia tumu Falaó; u a bhana ue ni huta ia kudila mu njila.

Dimatekenu 45:27

Ene-phe a mu tangela maka moso ma Zuze, ma ambela muene; o kia mono makalu a tumikisa Zuze, phala ku mu ambata, muẋima, ua Jakobo ua zangumuka dingi.

Makatukilu 10:24

Falaó bhenhobho anga u ixana Mozé, uixi: Ndenu, mua kà bhikile Jihova; ku xale ngoho o jimbudi jenu, ni anʼenu ndenu-nâ.

Makatukilu 10:26

Ni ibhaku ietu tuia naiu, ni kikoto ngoho ki ki xala-ku; mukonda kuene ku tua-nda kua ka katula ia kusatela na-iu Jihova, Nzambi ietu; o kuijiia-phe ioso i tu katula, ki kale ngó ki tua kà bhiẋila kuenhoko.

Jipoxolo 7:15

Jakobo anga u kulumuka mu Ijitu, o muène anga u fila momo ni jitata jetu.

I Samuuele 12:8

Jakobo kioso kia kulumuka mu Ijito, akua Ijito a mu bhondeleka; jitata jenu anga ji dikola kua Jihova, Jihova kienʼokio u tuma Mozé ni Alá, hé a katula jitata jenu mu Ijito, anga a a bheka kutunga mʼoxi mumu.