Dimatekenu 46:32 - O Mikanda Ikola

³² Mala enhá-phe abidi a jimbudi mukonda akua kúvua ibhaku; ni ilunga iâ ioso ia jimbudi ni jingombe ni ioso iala na-iu a i bheka.

Dimatekenu 46:32 ပူးပေါင်းရင်းမြစ်များ

Dimatekenu 31:18

hé uambata ni ibhaku iê ioso ni jimbongo jê joso ja bhongolola, o ibhaku ia nganhala, ia bhongolola bhu Padalane, u katuka na-iu mu kuia kua Izake, tatʼâ, mʼoxi ia Kanana.

Dimatekenu 37:2

Didi diene o dilunda dia muiji ua Jakobo. Zuze kiala hanji mu kuinhi dia muvu ni sambuadi, u kala mu kuinga ibhaku ni jiphange jê; kuma muene ua kexi hanji monʼa ndenge, u kala kumoxi ni anʼa Bila ni anʼa Nzídipa, o akaji a tatʼâ; Zuze anga uia ni ku a tanga kua tatʼâ kuila ala mu bhanga kiaiibha.

Dimatekenu 4:2

Anga u vuala dingi Abele. Abele anga u kala mubidi ua jimbudi, Kaini-phe kidima-kaji.

Dimatekenu 45:10

utunge mʼoxi ia Ngozene, u ngi zukame kunu, ni eie ni anʼé ni alaúlʼé, ni jingombe jê, ni ilunga iamukuâ ia ibhaku, ni jimbongo joso kiá ji uala na-ju.

Dimatekenu 46:31

Kia bhiti imiʼii, Zuze anga u ambela jiphange jê, ni dibhata dioso dia tatʼâ, uixi: Eme ngi tuama ni ngi tudila Falaó; nga kèla ngixi jiphange jami ni dibhata dioso dia tatʼetu, a kexile mʼoxi ia Kanana, eza kokuami, a ngi tula.

Dimatekenu 46:33

O ku izuua-phe, kioso kia-nda ku mʼixana Faláó, nʼa mʼibhula kuila: Ufunu uenu uahi?

Dimatekenu 46:34

Mua kà mu vutuila kuma: Jiselevende jé, Ngana, akua kúvua ibhaku, tunde mu undenge katé ni kiki, ni etu ni atatʼetu; phala mu tunge mʼoxi mumu ia Ngozene; kuma mubidi, mukua kuinga ibhaku, o mukua Ijito ka tungu-nê kumoxi, kijila kiâ.

Dimatekenu 47:3

Falaó anga uibhula jiphange jê, uixi: Mu akua ufunu uahi? Ene exi: Selevende jé, ngana, abidi a jimbudi, ni etu ni jitata jetu.

Dimatekenu 9:20

Noué anga u kuata kudima o mavu, u phapha díbhia dia mivide;

I Jisobha 9:27

Anga navio jojo Hilamu u tuma ku ji endesa ku atabhudi, akua mbèle iê, ejidile kiambote o kuenda mu musanza ua kalunga, kumoxi ni akua mbèle ia Soloma.

Makatukilu 3:1

Kiki-phe o Mozé u kala mu kuinga ibhaku ia Jétulu ukouʼê, nganga ia Midiiana. Kizuua kimoxi anga uambata o kilunga, uia na-kiu kuema dia kikangalakata, u bhiẋila ku mulundu ua Nzambi, ku Holebe.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Zakadiia 13:5

Maji kala muthu mudiâ uà kʼamba kiki: Eme ki ngi polofeta; ngi kidimakaji ma-iê! Mbata eme ngʼeneʼami ngi mubhika. A ngi sumba tundeʼami mu undenge.

I Samuuele 16:11

Samuuele anga u ambela Jese, uixi: Anʼé oso a tenena bhenhabha? Jese uixi: Kua xala hanji o kasule kâ, muene-phe uala mu kuinga jimbudi. Samuuele anga u ambela Jese, uixi: Tuma ku mu takana; kuma ku meza ki tu xikama-ku katé muene ki eza.

I Samuuele 17:15

Davidi anga u kala mu kuila, hinu u kala kua Saúlo, hinu u kala ku bhata mu kuinga jimbudi ja tatʼâ mu Beleme.