Dimatekenu 46:3 - O Mikanda Ikola

³ Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

Dimatekenu 46:3 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 15:13

Muene anga u ambela Mbalamu, uixi: Ijiia na-kiu kiambote kuma, mbutu ié hádia a kà kala jinzuangiza mʼoxi iengi, ki iâ ene, a kala mu bhikila akuaʼxi koko; a kà kala mu ku a tatesa mu hama jiuana ja muvu.

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 47:27

Kienhiki Izalaiele anga u tunga mʼoxi ia Ijito, mʼoxi ia Ngozene; anga a kala-mu ni mbandu iâ, a kala mu ku di vualulula, hé a sokoloka kiavulu.

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Dimatekenu 48:19

Tatʼâ anga u dituna, uixi: Nga kʼijiia muene, monʼami, nga kʼijiia; muene ue uà di bhanga kifuẋi, uà kala ni kijingo; maji-phe ndengʼiê ua kà mu tunda uà kala ndumba ia ifuẋi.

Makatukilu 1:12

Maji kioso-phe kiala kuenda ni ku a talesa hadi, ene ia aia ni kusokoloka dingi ni ku di uanena dingi mu ixi. Ene anga aia ni kukala ni hele ia anʼa Izalaiele.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Jelemiia 40:9

Jedaliia, monʼa Haikane, monʼa Safane, anga u a lokela ene ni mundu uâ uixi: Ki mu kale ni uoma ua kubhikila akua Kaldeia; kalenu moxʼumu, bhikilenu sobha ia Babilonha, ima i miʼende kiambote.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Jipoxolo 7:17

Kia zukama-phe mu thembu ia Nzambi kukumbidila o kikutu kia tele ni mulôko bhu kaxi kê ni Mbalahamu, o mundu uetu u kula anga u sokoloka kiavulu mu Ijitu.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.