Dimatekenu 45:7 - O Mikanda Ikola

⁷ Kiene kia bhekesa Nzambi ku ngi tumikisa ku pholo ienu, eme nga dianga kunu phala ku mi subhikisa o mbutu ienu mu ngongo, ni ku mi bhana muenhu, ni ubhulukilu ua dikota ua madiuanu.

Dimatekenu 45:7 ပူးပေါင်းရင်းမြစ်များ

Dimatekenu 45:5

Kiki-phe kana kutata ngó, kana ku di bhonda, mukonda dia ku ngi sumbisa kunu; mukonda Nzambi ua bhangesa kuila eme ngi mi tuamenena kunu, phala o mienhu ienu i kale iólunde.

Dimatekenu 47:12

Zuze anga u kala mu dikila tatʼâ, ni jiphange jê, ni dibhata dioso dia tatʼâ katé ni anʼâ oso u a tambula konda.

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

I Malunda 11:14

Muene-phe ni Davidi a di-te mu kaẋi ka kamukáu kenhoko, mbé ku ka bhângela, o akua Fidíxia hé a a jibha-jibha; Ngana anga u bhanga kikalakalu kiónene mu ku a bhângela.

Jisálamu 18:50

Kutolola kua nzungule kua bhana sobha ié ua mu te ku ungana; jihenda ji vula jʼedikiza kua muthu ué ua mu undu ni maji; kua Davidi ni mbutu iê, ku thembu sé mbambe.

Jisálamu 44:4

Eie u Nzambi, eie-muène u Sobha iami; kuma eie ua bhana o uzonda kua Jakobo.

Jipoxolo 7:35

Xitevá uamba dingi uixi: Mozé imoxi iii, a mu ditunine kuala anʼ a Izalaiele, exi: Eie nanhi ua ku bhange kukala u dikota dia ku tu fundisa etu? Muene Mozé a mu tumu kuala Nzambi kukala dikota, ni mukudi, ku lukuaku lua anju ia mu tukulukila mu kisasa.

Afundixi 15:18

Bhenhobho anga u kala ni dinhota dia vulu, hé u dikola kua Jihova, uixi: Ku lukuaku lua mubhikʼé, Eie Ngana kuene ku ua bhela o kubhuluka kua dikota kuosʼuku; kiki-phe ngi fua kiá ku dinhota, o akua-inhunga iá lelu nʼa ngi kuata dingi?