Dimatekenu 45:5 - O Mikanda Ikola

⁵ Kiki-phe kana kutata ngó, kana ku di bhonda, mukonda dia ku ngi sumbisa kunu; mukonda Nzambi ua bhangesa kuila eme ngi mi tuamenena kunu, phala o mienhu ienu i kale iólunde.

Dimatekenu 45:5 ပူးပေါင်းရင်းမြစ်များ

Dimatekenu 37:28

Bhenhobho, o jingenji, akua Midiiana, anga a kala mu bhita; ene anga a sunga Zuze, a mu katula mu dikungu, Zuze anga a mu sumbisa ku akua Ijimaiele mu makuinhi aiadi a itadi ia phalata. Enhá anga Zuze a mu ambata, a mu bheka mu Ijito.

Dimatekenu 47:25

Mendu-phe exi: Eie muene ua tu bhana o muenho! tu sange ngalasa ku mesuʼé u ngana ietu, tu kale tu abhika a ngene a Falaó.

Dimatekenu 50:19

Zuze anga u a ambela, uixi: Ki mu kale ni uoma. Kífua ki ngalʼiki eme ngala bhu kididi kia Nzambi?

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

Dimatekenu 50:21

Kala kiki-phe, ki mu kale ni uoma; eme ngi mi tambula konda ni enu ni aneʼenu. Kienhiki Zuze kia tululuisa o jiphange jê, iú ua a bhuisa o hele ku muxima.

II Samuuele 12:12

Kuma eie ua ki bhangela mu kusuama ni ku di vudimika, eme-phe ngi ki bhangela bhu pholo ia Izalaiele ioso, mu muanha uatu.

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

Estere 4:14

Kuma eie ki uila u di xibhé, thembu ienhiʼii, hinu bhu kala kuma kuengi ku tunda kubhanduluka kua jijudé, ni muthu uengi u a kudila, eie-phe ni dibhata dia tatʼenu mu buila. Nanhi ua kʼijiia se kiene kia ku tela ku ungana, phala u kudile mundu bhu thembu kala iii?

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Luka 23:34

Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

II Kolindo 2:7

Uila kiki, inda mu lunguluka kiá hé mu mu loloka, ni ku mu konda malamba, phala ka bhondalale ni mukondo uavulu kinéne u mu bhekela kikote.

Filemone 1:15

Sumbala kiene ki mua di batukila ni Onézimo mu kithangana ngó, phala o kia vutuka a kale muthu u xalela-nê.

I Samuuele 1:19

Ki kúkia a di meneka, a bheza bhu pholo ia Jihova, anga a vutuka ku bhata diâ ku Lama. Elikana anga u ijiia mukajiʼê Hana, Jihova phe anga u ta muẋima kua Hana u mu lembalala dingi,