Dimatekenu 45:20 - O Mikanda Ikola

²⁰ Ki bhu kale ue kima ki mu kuatela hele ku imbamba ienu; kuma ioso iauabha kunu kʼoxi ia Ijitu, ia-nda kukala ienu.

Dimatekenu 45:20 ပူးပေါင်းရင်းမြစ်များ

Dimatekenu 20:15

Abimeleke anga u mu ambela, uixi: Ixi iami iii, ua i mono; bhuoso bhua ku uabhela, u tungʼé.

Dimatekenu 45:18

mu katule tatʼenu, muize-nê ni mabhata menu, muize kunu ko kuami: eme ngi mi bhana ixi ioso iauabha mʼoxi ia Ijitu, mu dia ima iambote mʼoxi ietu.

Dimatekenu 45:19

Eie-phe, nga ku bhana ngonge kuila mu bhanga kiki: Muia ni makalu a kunu ku Ijitu, mbé muene muendela anʼenu, ni akajʼenu, mu katule ue ni tatʼenu, muize-nê mu tu sange.

Dimatekenu 45:21

Anʼa Izalaiele anga a bhanga kienhiki. Zuze anga u bhana o makalu kala kia tumu Falaó; u a bhana ue ni huta ia kudila mu njila.

Dimatekenu 47:6

Oxi ioso-phe ia Ijiito iala ku mesu mé, kuoso ku ua mono kuuabha, kuene ku u tungisa tatʼenu ni jiphange jé; a kadiʼâ mʼoxi ia Ngozene. Se eie uejiia kuila mudiâ muala makuenze ambote, u a bhana kijingo kia kutambula konda ia ibhaku iami ia ngi tokala.

Ejidala 9:12

Uila kiki, ki mua kà bhane anʼenu a ahatu ku anʼâ a mala; o anʼâ a ahatu ki mu a tambule phala anʼenu a mala. Athu eneʼá, nuka mu a sotela kutululuka kuâ mba mbote iâ; phala enu mu suine, ni mudie ioso ia beta kuuabha mu ixi, nda mu i xile anʼenu, i kale undundu uâ katé ku hádia ni hádia.

Makatukilu 22:7

Se muthu u bhakesa kua mukuâ, mba kitadi, mba imbamba ioso-ioso, anga a ki nhana mʼonzo ia iú ua bhake, o muii se a mu kuata u futa mu luiadi.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 13:18

O mifula iâ iene ia kà sasujula o minzangala; ni mona uala mu mala ka kà mu kuatela henda; o mesu mâ ki ma kà kala ni henda ia anandenge.

Izekiiele 20:17

Né hanji-phe kienhokio, o diesu diami dia a loloka muene, phala ki ngʼa jimise o mbutu, mba ngʼa jikinisina mu ixi ia kisèkele.

Izekiiele 7:4

O diesu diami ki dia kà ku kondeka, mba ngi ku kuatela henda, maji o jinjila jé joso nga-ndu ku tula na-ju ku thandu dié, o maufusa mé ma kala muene mu kaxi ké, anga mu kʼijiia kuila eme-muène ngi Ngana.

Izekiiele 7:9

O diesu diami ki dia kà ku kondeka, mba ngi ku kuatela henda; kala kioso kia soko o jinjila jê, kiene ue ki nga-ndu ku ku xinjika dingi ku thandu, o maufusa mé moso a kà kala muʼaxaxe ké muene; nda mu kʼijiie kuila eme ngi Ngana, ngi bhana kaxitiku.

Izekiiele 9:5

Akuá hé u ambela, emiʼeme ngʼivua muene, uixi: Bhite-nu mu mbonge ni ku mu kaiela, mu jibhe; diesu dienu ki di kondeke muthu, mba ku kuatela muthu henda.

Matesu 24:17

Uoso uala ku thandu dia ʼnzo iê a lengele kuengi ni lusolo, ka tuluke hanji mu katula o imbamba iê mʼonzo.

Luka 17:31

Kizuua kienhókio, uoso uala ku thandu dia ʼnzo, a lenge lusolo aie kuengi, o imbamba iê iíi mʼonzo, ka tuluke dingi mu ku i katula. O uoso uala ku mukáu, ka vutuke dingi ku dima mu kuia ku bhata.

Matendelelu 19:13

Kana ku mu kuatela henda; bhanga-kiu muene, kífua ua bhuisa o mulonga ua manhinga ma muthu kala ni kikuma muʼaxaxe ka Izalaiele, nda u tunge u some.

Matendelelu 19:21

Kana ku mu kuatela henda; ki kala muene muenhu mu muenhu, diesu mu diesu, diju mu diju, lukuaku mu lukuaku, kinama mu kinama.

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Josuué 7:11

Izalaiele uate kituxi; ua somboka muene o kikutu kiami kioso ki nga mu tendelela; ku imbamba iókidike ua katula-ku, ua nhana, ua te makutu; katé ua ki suekela mu kaẋi ka imbamba iê muene.

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 25:13

Davidi anga u ambela makuenze mê, uixi: Enu oso manekenu o jixibhata. Anga a maneka kala muthu o mukuale uê. Davidi ue u maneka o mukuale uêmuène. Davidi anga u tuamenena, o ku kunda diê ku mu kaiela hâma jiuana ja mala; o hâma jiiadi a xala ni kulanga bhu imbamba.

I Samuuele 30:24

Nanhi muene u mʼivua o hundu ienu i muala na-iu iii? Mukonda kioso ki tambula iú uele ku ita, kiene ue ki tambula iú ua xedi bhu imbamba. Ene oso a soka mu kuuana.