Dimatekenu 45:15 - O Mikanda Ikola

¹⁵ O Zuze anga u bejala o jiphange jê joso, u dila ue ni ene; o kia zubha kubhanga kiki, jiphange jê kiene kiua kia tena kuzuela-nê.

Dimatekenu 45:15 ပူးပေါင်းရင်းမြစ်များ

Dimatekenu 29:11

Jakobo anga u bhana beju kua Lakele, u zangununa o dízui diê ni kudila.

Dimatekenu 29:13

Labano-phe kia zubha kuívua hundu ia Jakobo, monʼa phangʼiê ia muhatu, uiza ni kulenga mu takana-nê, u mu bhubhala, u mu bhana jibejo, u mu bheka ku bhata diê. Muene anga u kundila Labano ima ioso ia bhiti na-iu.

Dimatekenu 33:4

Izaú anga u lenga mu kutakana-nê, u mu bhubhala, u mu bhana jibejo; anga a ta nzôngo a dila kiiadi kiâ.

Dimatekenu 42:24

Zuze anga u tunda-bhu hanji, u kala mu dila. Kithangana u a vutukila dingi, anga u sola-bhu Ximinhá mudiâ, u mu kutisa bhu mesuʼâ muene.

Dimatekenu 45:14

Anga u tuka, u di bhubhala ni ndengʼiê Bejamí u didila mu xingu iê, o Bejamí ue, kiene kia di bhubhalʼiki, u didila ue bhu maku ma phangʼiê.

Dimatekenu 45:16

Anga mʼonzo ia Falaó evua hundu, exi: Jiphange ja Zuze eza; o kienhikianga Falaó ki mu uabhela, kumoxi ni akua mbèle iê.

Dimatekenu 45:2

Anga u dila ni dízui dia suína uta ngololo ia bhingi ni akua Ijitu a mu ivu, ni ku mbanza ia Falaó a mu ivu.

Dimatekenu 46:29

Zuze anga u iudika o dikalu diê, u banda mu takana ni Izalaiele, tatʼâ, mu Ngozene. O kia mu tukulukila, u mu bhubhala, u didila mu xingu iê kithangana muene kia dikota.

II Samuuele 14:33

Kienhiki Jouabe u bhixila kua muenexi, anga u mu tangela-kiu. O sobha anga u tuma Abisalone, o muene anga u bhixila ue kua muenexi, u diunda bhu pholo ia muenexi. O muenexi anga u bhana jibeju kua Abisalone.

Jisálamu 77:4

Ua ngi kuata mesu, kilu ki nga ki mono; nga tandanganha kiavulu, ni kuzuela ki ngi tena.

Makatukilu 4:27

Jihova anga u ambela ue Alá, uixi: Ndé mu kikangalakata, ua kà takane ni Mozé; muene anga uia, u takana-nê bhu mulundu ua Nzambi, u mu bhana jibeju.

Luka 15:20

Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Jipoxolo 20:37

Ene oso anga a dila kisoxi, a di bhubhala ni Phaulu, a mu bhana jibeju.

Lute 1:14

Anga a zangula dingi mázui mâ a ta kibúlukutu ni kudila. Olofa anga u bhana ukouʼê jibeju, u di lekela-nê; Lute-phe ua mu naminina muene,

Lute 1:9

Jihova a mi bhese kidimba, kala muthu monzo ia diiala diê Anga u a bhana jinzóbole, anga a zangula mázui mâ, ni kudila.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 20:41

Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.