Dimatekenu 44:16 - O Mikanda Ikola

¹⁶ Juda anga u zuela, uixi: Ngana iami, tata! ki tualʼiki tuila kiebhi? tu zuela-hi? tu fundila kuebhi? Nzambi ua vulumuna o kuêla kua jiselevende jé; etʼuetú, tu kala kiá tu abhika a ngana iami, ni etu kiá ni muene a mu kuata ni dikáu bhu maku.

Dimatekenu 44:16 ပူးပေါင်းရင်းမြစ်များ

Dimatekenu 37:7

Tua kexile mu kuta ita ku mukáu, bhenhobho ngi mona o kita kiami kia bhetuka, hé kʼimana nzánza; enu-phe o ita ienu ia kondoloka anga i kala mu diundila o kita kiami kiala mu kaẋi.

Dimatekenu 37:9

Anga uanjiua dingi nzoji iamukuâ, anga u i tangela phange jê, uixi: Ivenu-ze, ngʼanjiua dingi nzoji iamukuâ, nga mono ni dikumbi ni mbeji ni kuinhi dia théthembua ni imoxi, iala mu ku ngi diundila eme.

Dimatekenu 44:17

Zuze uixi-phe: Kana, Kikôla! Ki ngi ẋikina ku ki bhanga; muthu uoso a mu kuata ni dikáu diami, muene u kala mubhikʼami; enu mu akuâ sulukenu ni paze kua tatʼenu.

Dimatekenu 44:32

Kuma eme bhabha, ngana, ngi mubhikʼê, eme-muène ngi ngûnji, nga di ximbika kua tatʼetu, ngixi: O ki ngi kamba kuiza ni ku ku bhekela-nê, ngi kala ngi mukua kituxi kié ku izuua ioso.

Dimatekenu 44:9

Etʼuetú tu selevende jê; uoso u mu kuata na-diu a fue; etu-phe, tu akuâ, tu kala kiá tu abhika a muadiʼé.

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

Ejidala 9:10

Kindala-phe, Nzambi ietu tuanda kuzuela kiebhi ima iala kiki! Kuma tua xisa ijila ié, i ua tu tendelela ku abhikʼé, o jinganga, uexi:

Ejidala 9:15

Ahá! Jihova, tata! Nzambi ia Izalaiele! Eie u mukua kidi! Kuma etu tua bhulaka, tu tumbalumbalu ngó, kala ki kia di monekena leluʼidi. Kiki-phe, tuala bhu pholo ié mu kuêla kuetu, kuma ki kuala dingi muthu uengi u tena kukala bhu pholo ié mukonda dia kikuma kiki.

Jobe 40:4

Ngana, eme nga bolo; ngi ku vutuila kima kiahi? Ku dikanu diami ngi ta-ku o lukuaku luami.

Jisabhu 17:15

Moxi o muthu u lungisa o kisuéia, kadi o muthu uelêsa o muiuki, kiiadi kiá k muene, Jihova ua di zemba-nâ.

Jisabhu 28:17

Muthu se uabhangele ufumbe ua kujibha mukuá, o manhinga ma iú a mu jibha anga ma mu oseka, uila o lengʼé katé mu kina, tuleé; aie, ki bhu kale muthu u mu kudila.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 5:3

Kiki-phe enu akua-bhata mu Jeluzaleme, nʼenu mu akua Juda, nga mi diondo, tu fundisienu hanji nʼeme ni díbhia diami dia muvide.

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.

Dialuilu 32:23

O ki kala-phe mu kamba ku ki bhanga, kituxi ki mua te kua Jihova; ijiienu-kiu kuma kituxi kienu hinu ki mi sanga.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Luka 12:2

Kana kima-phe kiòbateke, ki kamba kutukuluka; kana kima kiòsueke, ki kamba ku kʼijiia.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 7:18

anga u bhongolola dibhata dia Zabedi ko mala-mala; anga a kuata-bhu Akane dia Hami, dia Zabedi, dia Zelahe, mukua muiji ua Juda.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.