Dimatekenu 43:9 - O Mikanda Ikola

⁹ Eme muene nga di ximbika bhu kididi kiê; ko kuami eme ku u muʼibhula; se nga kambe kuiza-nê ni ngi mu bhakula bhu pholo ié, ngi kala ngi mukua kituxi kié katé ku hádia ni hádia.

Dimatekenu 43:9 ပူးပေါင်းရင်းမြစ်များ

Dimatekenu 31:39

Ia kuaẋiua ku iama ki ngi ku bhekela na-iu; ia bhiti ku konda iami; o iònhane ue mu muanha mba iònhane mu usuku, eie ua ngi futisa-iu.

Dimatekenu 42:37

Maji Lubene anga u ambela tatʼâ, uixi: Anʼami aiadi a mala iá, u a jibhʼé, se ngi kamba ku ku bhekela-nê; ngi bhane-nê eme, u mone ki ngʼiza-nê.

Dimatekenu 43:10

O kukuata jiphata kiki, kua tu lalekesa, hinu tuezʼetu kiá o njila ia kaiadi.

Dimatekenu 9:5

Ni kidi kiene o manhinga menu nga kà ebhula muene, o manhinga ma mienhu ienu nga kà ebhula muene ku kiama kioso katé ni bhu lukuaku lua muthu, xi, katé ni bhu lukuaku lua muthu ni mukuá, nga kʼebhula o muenhu ua muthu.

II Samuuele 14:9

Muhatu-phe mukua Tekoua u ambela muenexi, uixi: Kùku, ngana iami, mulonga u kale kuthandu diami, ni ku thandu dia dibhata dia tatʼetu; kua muenexi ni kiandu kié, ki ku kale kima.

I Jisobha 1:21

O ki u kamba ku ki bhanga, hádia ki ua kà zekela kumoxi ni a-tatʼenu, kùku, ngana iami, ni eme ni monʼami Solomá a tu kita tu akua kituxi.

Jobe 17:3

Amba-kiu, Ngana, u ngi bhane uoso u tokala ku ngi zokela kokué é-muène; kuma nanhi muene dingi u tena ku ngi bhana lukuaku luê?

Jisálamu 119:122

Eie-muène, Ngana, u kala u dílemba dia selevende ié dia ku mu bhanga mbote; kuehele akua izala ku ngi bhondeleka.

Izekiiele 3:18

Kioso eme ki ngiia o muthu ua iibha, ngixi: Ua-nda kúfua, ni kidi kiene, eie anga u kamba ku mu dimuna, u fula o kuzuela phala kudimuna o muthu uaiibha ku njila iê ia iibha, phala kubhulula o muenhu uê, muthu ió uaiibha ua kà fua mu kikuma kiê, maji o manhinga mê nga kà mʼèbhula bhu lukauku lué-eie.

Izekiiele 3:20

Kiene ue kimoxi ni muthu ua iuka ki eha o kuiuka kuê anga u di-tela muengi, hé u bhanga kia iibha, anga eme ngi-ta ku pholo ie-muène kidibhukanu, muene ua kà fua muene; mukonda, o ki ua kambe eie o ku mu dimuna, muene ua kà fua mu kituxi kiê, o ima ioso ia kuiuka ia bhanga jinga ka kà i xinganeka dingi, maji o manhinga mê nga kà ebhula bhu lukuaku lué-eie.

Izekiiele 33:6

Maji-phe, hé o mulangidi u mona o xibhata ia mu kuiza, anga u kamba o kuxika o koloneta, mbé o mundu nʼa dimuke; se o xibhata iza anga iambata muenhu umoxi muʼaxaxe kâ, muthu ió a muʼambata mu ituxi iê, maji o manhinga mê nga kà mʼèbhula bhu lukuaku lua mulangi.

Izekiiele 33:8

Eme kioso ki ngiia o mukua phulu: Eʼmukua phulu, ua-ndo-fua, ni kidi muene; eie hé u kamba kuzuela, phala kuvutula o mukua phulu ku njila iê, mukua phulu iú ua kà fua muene mu kikuma kiê, maji o manhinga mê, eme nga kà mʼèbhula bhu lukauku luè-eie.

Luka 11:50

Kienhiki ki bhangesa kuila o manhinga moso ma jipolofeta ma xamujuka mu ngongo, tunde ku dimatekenu diê, a-nda ku ma bhela kaxtiku ku muiji iú.

Jihebeleu 7:22

O kienʼiki kiene kia bhangesa Jezú kukala dilemba dia kikutu kiengi kia beta ujitu.