Dimatekenu 43:8 - O Mikanda Ikola

⁸ Bhenhobho Juda anga u ambela Izalaiele, tatʼâ, uixi: Kaiala ngi bhane-nê eme, tu balumuke, tuietu; phala tu laie, mbé ki tu fue, ni etu ni eie, ni anʼetu.

Dimatekenu 43:8 ပူးပေါင်းရင်းမြစ်များ

Dimatekenu 42:2

Uixi dingi: Ivenu-ze, ngevu kuma sai tiliku mu Ijitu. Kulumukenu-phe mu Ijitu mua kà tu sumbile-ku tiliku muenhomo, phala tu laie, mbé ki tu fue.

Dimatekenu 42:38

Kuala muene-phe: Monʼami ka-nda kuia-ku, se mua kulumuka dingi; kuma phangʼiê uafu kiá, muene ngó ua xala-ku; se ku mu bhita kima kiaiibha mu njila i muila, jimvi jami mua-nda ji bheka ni kikote kuʼalunga.

Dimatekenu 44:20

Etu tua ku vutuila, ngana iami, tuixi: Sai tatʼetu, ua kuka kiá, ni monʼê ua kasule, a mu vuala mu ukukilu uê; mukuá, mu mama imoxi, uafu; o ku ana a manhʼâ muene ngó ua subhuka-ku, o tatʼâ iu ua mu zola.

Dimatekenu 44:26

Tuixi-phe: Ki tu tena kuia-ku; maji se o kasule ketu tuia-nê, tuia; kuma diiala diala kuenhoko ki tu tena ku mu mona pholo, se kasule ketu iú, tua kambe kukala-nê.

Dimatekenu 45:19

Eie-phe, nga ku bhana ngonge kuila mu bhanga kiki: Muia ni makalu a kunu ku Ijitu, mbé muene muendela anʼenu, ni akajʼenu, mu katule ue ni tatʼenu, muize-nê mu tu sange.

Dimatekenu 50:21

Kala kiki-phe, ki mu kale ni uoma; eme ngi mi tambula konda ni enu ni aneʼenu. Kienhiki Zuze kia tululuisa o jiphange jê, iú ua a bhuisa o hele ku muxima.

Dimatekenu 50:8

ni dibhata dioso dia Zuze, ni jiphange jê, ni dibhata dia tatʼâ; o anʼâ ngó ni ibhaku iâ a xala mʼoxi ia Ngozene.

II Jisobha 7:13

Bheneʼobho umoxi ku abhikʼé, u vutula, uixi: Ku tubalu-phe tu tua subhuka-na-tu mumu, mu mbonge, a katule-ku tu tanu (kuma tuediʼé ngó kala o kifuẋi kioso kia anʼa Izalaiele a xala hanji o masubhu mumu, mu mbonge, tuediʼê ue kala o kifuẋi kioso kia anʼa Izalaiele a fu kiá,) anga tu tu tumikise, nda tu tale.

II Jisobha 7:4

O ki tuamba, tuixi: Tu bokone mu mbonge, mu mbonge muala nzala, tua-nda kufuila momo: o ki tu kala bhenhabha, tua-nda kufua ue; tuie-nu-phe kindala tua ka di vubule mu kilômbo kia akua Sídia; se a tuʼehela o kukola o muenhu, tu kola o muenhu; o kia tu jibha-phe, kuabhu tua kàfua kiá ngoho.

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Jisálamu 118:17

Ki ngi fu dingi, ngi laia muene; hé nga kà jimbuila athu kioso ki kalakala Jihova.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Dialuilu 14:31

Inda tuana tuenu-phe, tu mua tangele, muixi: A di bhange mbole, ene nga kà a bokuesa-mu, a kêjiia ixi i mua tènde, enu mua di tunu-iu.

Matendelelu 33:6

Lubene akôle muenhu, kʼafue, athuʼê a di sokolole muene.