Dimatekenu 43:30 - O Mikanda Ikola

³⁰ Zuze anga u bhanga lusolo, kuma mu muxima mua muiza dingi dilamba, diavulu kia mono phangʼiê; u sota kididi bhua didila; uia hanji mu xilu dié, u didila muenhomo.

Dimatekenu 43:30 ပူးပေါင်းရင်းမြစ်များ

Dimatekenu 42:24

Zuze anga u tunda-bhu hanji, u kala mu dila. Kithangana u a vutukila dingi, anga u sola-bhu Ximinhá mudiâ, u mu kutisa bhu mesuʼâ muene.

Dimatekenu 45:2

Anga u dila ni dízui dia suína uta ngololo ia bhingi ni akua Ijitu a mu ivu, ni ku mbanza ia Falaó a mu ivu.

Dimatekenu 46:29

Zuze anga u iudika o dikalu diê, u banda mu takana ni Izalaiele, tatʼâ, mu Ngozene. O kia mu tukulukila, u mu bhubhala, u didila mu xingu iê kithangana muene kia dikota.

I Jisobha 3:26

Muhatu uoso ua vuala monʼa muenhu, bhenhobho u ambela muenexi, kuma henda ia mu kuata ia monʼê, uixi: Aiué! Ngana iami, tata, mu bhane o monʼa muenhu, kana ku mu jibha ngó! Mukuá-phe, uixi: Kana! Ka kale uami, ka kale ué; inda a mu uane!

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Jipoxolo 20:19

Nga sedivila Ngana ni kubatâma kuoso, ni masoxi. O kieniokio, sumbala ni iluezu i nga bhiti na-iu mukonda dia Jijudé ku ngi ta ikutu.

Jipoxolo 20:31

Uila kiki di langienu, mu xinganeke kuma, mivu itatu iosuʼiii, ni mu muanha ni mu usuku, ki nga fulu dingi o ku mi dimuna, muthu ni muthu mudienu, ni masoxi.

Jipoxolo 20:37

Ene oso anga a dila kisoxi, a di bhubhala ni Phaulu, a mu bhana jibeju.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 2:1

Uila kiki, mua Kristu se muala o kulunga, se muala kutululuka kua henda, se muala ukamba ua Nzumbi, se muala jihânji ni jihenda,

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

II Timote 1:4

Nga mu kuinda ku ku mona kioso ki ngi xinganeka o masoxi mé, phala kioso ki ngi ku mona, ngʼizale ni ngalasa.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?