Dimatekenu 43:29 - O Mikanda Ikola

²⁹ Zuze kia bhetula mesu, u mona Bejamí, phangʼiê, mon ʼa mamʼâ uixi: Muene kasule kenu iú, mua ngi tangela-nê? U mu ambela, uixi: Nzambi a ku zediuise, monʼami.

Dimatekenu 43:29 ပူးပေါင်းရင်းမြစ်များ

Dimatekenu 35:24

O anʼa Lakele: Zuze ni Bejamí;

Dimatekenu 42:11

Etuʼoso tu ana a tata imoxi; tu athu a kidi muene, ki tuende ni unguma ua kulonda ixi, kana!

Dimatekenu 42:13

Kuala ene: Selevende jé, tu jiphange, kuinhi dia muthu ni kiiadi, tu ana a tata imoxi, tatʼetu uala mʼoxi ia Kanana. Kindalʼiki o kasule ketu ua xala ni tatʼetu, o mukuá kene-ku dingi.

Dimatekenu 44:21

Eie-phe uambelele selevende jé, uixi: Ngi bhekedienu-nê phala ngi mu mone mesu.

Dimatekenu 45:8

Kala kiki, kʼenu mua ngi tumikisa kunu, maji Nzambi; ua ngi bhange ngi tata ia Falaó, ngi ngana ia mbanza iê ioso, ngi nguvulu ia ixi ioso ia Ijitu.

II Malunda 29:11

Kiki-phe, enu mu anʼami, ki mu kale ni kaxixi mba usudi; mbata Jihova ua mi sola, nda mu kale bhu pholo iê mu ku mu xibhidila, ni mu kale mu akunjiʼê, muie ni kuoha o uasu ua dizumba.

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 67:1

Nzambi a tu lendukile, a tu bhane o dibesá, a bhangese pholo iê ku tu muikina; (Selah.)

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 33:2

Jihova, tu kuatele henda, tuene ku ku dielela, éʼmuene; dibhange éʼmuene u lukuaku luetu mu imenemene, u kale ue u ubhulukilu uetu bhu kithangana ki tu konda o ngongo.

Malakiia 1:9

Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

Dialuilu 6:25

Jihova a ku muikine ni kubenha kua pholo iê, a ku kuatele henda;

Matesu 9:2

Talesa-phe, a mu bhekela diiala dia kate kila, dia zeka bhu hama. Jezú, kia mono kuxikana kuâ, u ambela haxi, uixi: Mona, kuata muanu; ituxi ié iòloloke!

Matesu 9:22

Jezú-phe u sakuka, hé u mu mona, uixi: Mona, tululuka! Kuxikana kué kua kubhana muenhu. Muhatu anga uiluka tunde kumbi dienhódio.

Marku 10:24

Jixibulu anga a diuana o maka mê. Jezú-phe ua kumuna dingi, uixi: Ana, kubhonza kuahi, oso a di fiiala jimbongo, o kubokona mu Utuminu ua Nzambi!

I Timote 1:2

nga sonekena Timote, monʼami ua kidi mu kuxikana. Nga ku indila kiadi, ni henda, ni paze, i tunda kua Nzambi Tata ietu, ni kua Kristu Jezú, Ngana ietu.

Jihebeleu 13:1

O kudizola ni jiphange ki mu ku ehe.

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.