Dimatekenu 43:27 - O Mikanda Ikola

²⁷ Muene anga u a kunda se ala kiambote, uixi: Tatʼenu uala kiambote, o muadiakime mua mu tangeʼó? Iu-é hanji ku muenhu?

Dimatekenu 43:27 ပူးပေါင်းရင်းမြစ်များ

Dimatekenu 37:14

Uixi: Ndé-phe, ua kà tale se jiphange jé ala kiambote, ni ibhaku se iala kiambote; uize, u ngi tudile. Kala kiki, ua mu katula mu dikôlo dia Hebolone, muene iú ua bhiẋila mu Xikeme.

Dimatekenu 41:16

Zuze anga u vutuila Falaó, uixi: Kiókio ki eme ngala nakiu; Nzambi muene u bhana kua Falaó o dijimbuluilu di tululuisa.

Dimatekenu 42:11

Etuʼoso tu ana a tata imoxi; tu athu a kidi muene, ki tuende ni unguma ua kulonda ixi, kana!

Dimatekenu 42:13

Kuala ene: Selevende jé, tu jiphange, kuinhi dia muthu ni kiiadi, tu ana a tata imoxi, tatʼetu uala mʼoxi ia Kanana. Kindalʼiki o kasule ketu ua xala ni tatʼetu, o mukuá kene-ku dingi.

Dimatekenu 43:7

Kuala ene: Muene ua tu tokuesa, ua tu ibhula etu ni jindandu jetu, uixi: Tatʼenu hanji iu-é? Enu muala dingi ni phangʼienu? Etuʼetu tua mu tangela kala kia tu ibhula muene; etu tueje ku kʼijiia kiebhi kuma ua-nda kuila, kale phangʼienu muiza-nê?

Dimatekenu 45:3

Zuze bhenhobho anga u ambela o jiphange jê, uixi: Eme Zuze; mbé ni kidi kiene tatʼetu iú-uê hanji? Jiphange jê anga a lémbua kuzuela; a bhuuama; a sekumuka ni uoma mu kala ngó bhu pholo iê.

II Jisobha 4:26

Kindala-phe eie lenga u mu kauidile, uixi: Eie uala kiambote? O muadi uê uala kiambote? O monʼê ue uala kiambote? Muene-phe u vutula uixi: Tualʼetu kiambote muene.

I Malunda 18:10

ua tumu monʼê Hadolamu kua Davidi, phala ku mu kunda ni ku mu ibhudisa kioso kia mu zeka, ni ku mu tanesa, kuma ua tena kubhânga ni Hadale-Ezele, iú ua mu tolola (mbata Hadale-Ezele ua kexile mu-lua jinga ita ni muene Tohu); anga u mu tumikisa kumoxi ni monʼé itutu ioso ia ulu, ni ia phalata, ni ia kobidi.

Makatukilu 18:7

Mozé anga u tunda mu kauidila ukouʼê, u mu diundiula, u mu bhana jibeju anga a di kunda, a dʼibhudisa kioso kia zekele, hé a bokona mu balaka.

Afundixi 18:15

Anga a bhambuka, a bhixila bhu kanga dia munzangala, o levita, bhene bhu bhata dia Mika, anga a mu menekena.

I Samuuele 17:22

Davidi anga u xa muhamba uê kua iú ua tambula konda ia imbamba, u lengela kuala kuia kilômbo, u sanga phange jê, hé ua menekena.

I Samuuele 25:5

Davidi anga u katula kuinhi dia munzangala, Davidi anga u a ambela, uixi: Bandenu ku Kalamelu, muie kua Nabale, mu mu menekene mu dijina diami;