Dimatekenu 43:21 - O Mikanda Ikola

²¹ Mu kuvutukisa-phe bhu kilômbo bhu tua zekela, tuedi tu jikula mu jisaku jetu, tu tukumuka itadi ietu ioso kala muthu tua ki sange mu saku iê, kia tenena muene ku pezo; maji tueza nakiu dingi, kiki ki tua kuata bhu makuʼetu.

Dimatekenu 43:21 ပူးပေါင်းရင်းမြစ်များ

Dimatekenu 43:12

o itadi ienu i kala mu luiadi i mu kuata bhu maku, ni ioio ia vutukile ku mizumbu ia nzeke jenu muia na-iu dingi, mu i ambata bhu maku enu, amoxi kutondala kua tondala.

Dimatekenu 43:15

Mala enhó anga ambata o ujitu ua tange, ni kitadi kiâ kiala mu luiadi, ni Bejamí a mu ambata; anga a katuka, a kulumuka mu Ijitu, eza, emana dingi bhu pholo ia Zuze.

Dimatekenu 43:20

exi: Ngana iami, tata! tuejile kiá njila ia dianga mu sumba kúdia.

Dimatekenu 43:22

Ni kitadi kiamukuâ tueza na-kiu kusumba o kúdia; ki tu mu ijiia uoso ua te o kitadi kietu mu jisaku jetu.

Dimatekenu 44:8

Manhi o kitadi ki tua sangele mu kanu dia jisaku jetu, ki tua tundu mu Kanana ki tuezʼetu na-kiu? Tu tena-phe kiebhi o kunhana phalata mba ulu mʼonzo ia muadiʼé?

Loma 12:17

Kana kuvutuila muthu uoso-uoso phulu mu phulu. Sotenu kubhanga jinga ima ia ujitu ku mesu ma athu oso.

Loma 13:8

Kana kudievela kima ku muthu uoso-uoso. O dikongo dimoxi di mu kala na-diu ngó, dia ku di zola mudienu. Kuma uoso u zola mukuâ, ua kumbidila (ua tumaka) o Kitumu.

Jihebeleu 13:18

Kolokotenu ni ku tu sambela. Kuma tua di fika kukala ni kitongoluelu kia zele, mbata tua mesena kubhanga mu kidi o ima ioso.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.